Famous Actress Death : तेजस्वी तारा हरपला; ज्येष्ठ अभिनेत्री काळाच्या पडद्याआड, मनोरंजन विश्वावर शोककळा

मनोरंजन सृष्टीतून दुःखद बातमी समोर आली आहे. प्रसिद्ध अभिनेत्रीचे निधन झाले. टिव्ही आणि चित्रपट विश्व गाजवणाऱ्या अभिनेत्री नवनींद्र बहल (Navninder Behl) यांनी वयाच्या 76 वर्षी अखेरचा श्वास घेतला आहे. त्यांच्या निधनाने मनोरंजन सृष्टीवर शोककळा पसरली आहे. नवनींद्र बहल यांच्या निधनाची बातमी त्यांच्या मुलांना पोस्ट करून चाहत्यांना दिली आहे. नवनींद्र बहल यांच्या मुलाचे नाव कानू बहल (Kanu Behl) असे आहे. ते प्रसिद्ध चित्रपट दिग्दर्शक आणि पटकथा लेखक आहेत.

कानू बहल यांची पोस्ट

"माझा आधारस्तंभ

माझी श्रद्धा

प्रेम

मार्गदर्शक

गुरु

माझे हृदय

सुखरूप जा, आई

जोवर तू मला पुन्हा जन्म देत नाहीस, तोवर

माझे डोळे सदैव त्या निखळ हास्याला, त्या उबदार खळखळाटाला, त्या घट्ट मिठीला आणि त्या कुतूहलाने चमकणाऱ्या डोळ्यांना शोधत राहतील. जे सदैव तेजोमय आहेत.

माझ्या आत्म्याला प्रकाशमान केल्याबद्दल, तुझे आभार..."

नवनींद्र बहल यांच्या निधनाने चाहत्यांना मोठा धक्का बसला आहे. कलाकार मंडळी, चाहत्यांनी त्यांना श्रद्धांजली वाहिली. मीडिया रिपोर्टनुसार, नवनींद्र बहल यांना लहानपणापासून अभिनयाची आवड होती. त्यांनी लहानपणी रंगमंचीय सादरीकरणाने प्रेक्षकांचे मनोरंजन केले. तसेच शाळा-कॉलेजात नाटकांमध्ये भाग घेतला.

वर्कफ्रंट

नवनींद्र बहल यांनी थिएटर, सिनेमा आणि टेलिव्हिजनमध्ये काम केले आहे. त्यांच्या अभिनयाचे लाखो चाहते दिवाने आहेत. त्यांनी बॉलिवूड अभिनेत्री कंगना रणौत यांच्यासोबत 'क्वीन' चित्रपटात काम केले आहे. त्यासोबत त्या 'ओये लकी!', 'सिस्टर्स अँड सिस्टर्स', 'माचिस', 'द प्राइड' आणि 'द गुरू' सारख्या चित्रपटांमध्ये दिसल्या. तसेच त्यांनी अनेक मालिकांमध्ये देखील काम केले आहे. यात 'इश्कबाज', 'दिल बोले ओबेरॉय', 'विजी' आणि 'सदा-ए-वादी' यांचा समावेश आहे.