रितेश देशमुखचा 'राजा शिवाजी' चित्रपट आता रिलीज होऊन एक आठवडा झाला आहे. चित्रपटाने एका आठवड्यात बंपर कमाई केली आहे. अजय-अतुलच्या गाण्यांनी सोशल मीडियावर धुमाकूळ घातला आहे. या चित्रपटातून छत्रपती शिवाजी महाराजांची यशोगाथा सांगण्यात आली आहे. चित्रपटाने ८ दिवसांत ग्रॉस कलेक्शन तब्बल ७० कोटी रुपये केले आहे. चित्रपटाची ८ व्या दिवसाची एकूण कमाई जाणून घेऊयात. 'राजा शिवाजी' चित्रपट १ मे ला थिएटरमध्ये रिलीज झाला.

'राजा शिवाजी' बॉक्स ऑफिस कलेक्शन दिवस ८

Sacnilk च्या रिपोर्टनुसार, 'राजा शिवाजी' चित्रपटाने दुसऱ्या शुक्रवारी म्हणजे ८ व्या दिवशी ३,८८२ शोजमधून ३.२० कोटी रुपयांची कमाई केली. आतापर्यंत चित्रपटाची भारतातील एकूण निव्वळ कमाई ५५.८५ कोटी रुपयांवर पोहोचली आहे, तर एकूण ग्रॉस कमाई ६६.२३ कोटी रुपयांवर गेली आहे.

• दिवस १ (हिंदी): ३.३५ कोटी रुपये; (मराठी): ८ कोटी रुपये

• दिवस २ (हिंदी): ३.४० कोटी रुपये; (मराठी): ७.१५ कोटी रुपये

• दिवस ३ (हिंदी): ४.२५ कोटी रुपये; (मराठी): ७.७५ कोटी रुपये

• दिवस ४ (हिंदी): १.३५ कोटी रुपये; (मराठी): ४.२५ कोटी रुपये

• दिवस ५ (हिंदी): १.५५ कोटी रुपये; (मराठी): ३.३५ कोटी रुपये

• दिवस ६ (हिंदी): १.२५ कोटी रुपये; (मराठी): ३ कोटी रुपये

• दिवस ७ (हिंदी): १.२५ कोटी रुपये; (मराठी): २.७५ कोटी रुपये

• दिवस ८ (हिंदी): ०.७० कोटी रुपये; (मराठी): २.५० कोटी रुपये

• एकूण: ५५.८५ कोटी रुपये

'राजा शिवाजी' स्टार कास्ट

'राजा शिवाजी' चित्रपटात छत्रपती शिवाजी महाराजांच्या भूमिकेत रितेश देशमुख झळकला आहे. तर सईबाईंची भूमिका जिनिलियाने साकारली आहे. अफजल खानच्या भूमिकेत संजय दत्त दिसला आहे. तसेच चित्रपटात अभिषेक बच्चन, विद्या बालन, फरदीन खान, भाग्यश्री, सचिन खेडेकर, अमोल गुप्ते आणि जितेंद्र जोशी या कलाकारांनी महत्त्वाच्या भूमिका साकारल्या आहेत. हा चित्रपट मराठी आणि हिंदी अशा दोन्ही भाषांमध्ये प्रदर्शित झाला आहे.