बॉक्स ऑफिसवर सध्या १ नव्हे २ नव्हे तर तब्बल ५ चित्रपट पाहायला मिळत आहे. मराठीत 'देऊळ बंद 2', 'तुंबाडची मंजुळा' रिलीज झाले आहेत. तर साऊथमध्ये राम चरणचा 'पेड्डी' चित्रपट रिलीज झाला आहे. तसेच बॉलिवूडमध्ये ही दोन चित्रपट रिलीज झाले आहेत. ५ जून २०२६ ला वरुण धवनचा 'है जवानी तो इश्क होना है' आणि बॉबी देओलचा 'बंदर' चित्रपट रिलीज झाला आहे. पण सध्या बॉक्स ऑफिसवर ४ जूनला रिलीज झालेल्या 'पेड्डी' चा डंका पाहायला मिळत आहे. 'पेड्डी' , 'है जवानी तो इश्क होना है' आणि 'बंदर' यांनी शुक्रवारी किती कमावले, जाणून घेऊयात.

'पेड्डी' बॉक्स ऑफिस कलेक्शन

Sacnilk च्या रिपोर्टनुसार, 'पेड्डी'ने दुसऱ्या दिवशी २६.९० कोटी रुपयांची नेट कमाई केली. पहिल्या दिवशी चित्रपटाने ५१.०० कोटी कमावले. आतापर्यंत चित्रपटाची भारतातील एकूण नेट कमाई ९६.४० कोटी रुपये इतकी आहे. भारतातील एकूण ग्रॉस कमाई ११४.४९ कोटी रुपयांवर पोहोचली आहे. 'पेड्डी'ने दुसऱ्या दिवशी परदेशात ८.०० कोटी रुपयांची कमाई केली. चित्रपटाची परदेशातील एकूण ग्रॉस कमाई ३६.०० कोटी रुपयांवर पोहोचली आहे. जगभरातील एकूण ग्रॉस कमाईचा आकडा १५०.४९ कोटी रुपयांवर गेला आहे.

'है जवानी तो इश्क होना है' बॉक्स ऑफिस कलेक्शन

Sacnilk च्या रिपोर्टनुसार, 'है जवानी तो इश्क होना है' चित्रपटाने 9,081 शोमध्ये पहिल्या दिवशी अंदाजे 7.50 कोटी रुपयांची कमाई केली. भारतातील ग्रॉस कलेक्शन 9 कोटी रुपये आहे. चित्रपटाने आंतरराष्ट्रीय क्षेत्रांतून 2 कोटी रुपये कमावले आहेत. जगभरात चित्रपटाने 11 कोटी कमावले.

'बंदर' बॉक्स ऑफिस कलेक्शन

Sacnilk च्या रिपोर्टनुसार, 'बंदर' चित्रपटाने पहिल्या दिवशी भारतात अंदाजे 50 लाख रुपयांची कमाई केली. 1,365 शोमधून देशांतर्गत अंदाजे 60 लाख रुपयांची कमाई केली. आता वीकेंडला हे चित्रपट किती कोटींचा गल्ला जमवणार हे पाहणे मनोरंजक ठरणार आहे. तसेच 'है जवानी तो इश्क होना है' आणि 'बंदर' तगडी टक्कर पाहायला मिळत आहे.