बॉलिवूडची देसी गर्ल प्रियांका चोप्राचा पती प्रसिद्ध अमेरिकन गायक निक जोनस सध्या त्यांच्या कॉन्सर्टमुळे चर्चेत आहे. या कॉन्सर्टचे व्हिडीओ सोशल मीडियावर व्हायरल झाले आहेत. नुकतंच निक जोनस हा भाऊ केविन आणि जो जोनसोबत प्रागमध्ये परफॉर्म करत होता.या दरम्यानचा निकचा धक्कादायक व्हिडीओ समोर आला आहे.

नुकतंच प्रागमध्ये निक जोनस हा त्याचा भाऊ केविन आणि जो जोनसोबत शो परफॉर्म करताना दिसतोय दरम्यान निक जोनस अचानक धावत स्टेजवरून खाली उतरताना दिसतो आहे. बॉडीगार्डला नजर देत त्याने इशारा करत तेथून पळून जाताना दिसतो आहे. याचदरम्यानचा निक जोनसचा व्हिडीओ सोशल मीडियावर व्हायरल झाला आहे.

निक जोनस धावत गेल्यानंतर त्याचा बॉडीगार्डही जातो. व्हिडीओ पाहून नेटकरी देखील चितेंत पडले आहेत. नेमका हा प्रकार काय आहे? असा प्रश्न त्यांनी केला आहे. तुम्ही पाहू शकता की व्हिडीओमध्ये, निक गात असताना समोरील लेझर लाईट त्याचप्रमाणे पडते आहे. ही लेझर कधी त्याच्या डोक्यावर तर कधी त्याच्या शरीरावर पडताना दिसते आहे. यामुळे निक लेझर पाहून निघून गेला. यानंतर काही वेळात शो थांबवावा लागला.