शेतकऱ्यांच्या जीवनावर आधारित प्रवीण तरडेंचा 'देऊळ बंद २' चित्रपट बॉक्स ऑफिसवर धुमाकूळ घालत आहे. चित्रपटाने तीन दिवसांत तब्बल १० कोटींचा आकडा पार केला आहे. 'देऊळ बंद २' चित्रपट २१ मे (गुरूवारी) रिलीज झाला. चित्रपटाची कथा, संवाद आणि दिग्दर्शन प्रवीण तरडे यांनी केले आहे.'देऊळ बंद -2' चित्रपटात प्रवीण तरडे, स्नेहल तरडे आणि मोहन जोशी हे कलाकार मुख्य भूमिकेत झळकले आहेत.

'देऊळ बंद २' बॉक्स ऑफिस कलेक्शन दिवस ३

दिग्दर्शक प्रवीण तरडेंनी सोशल मीडियावर बॉक्स ऑफिस कलेक्शनची एक पोस्ट शेअर केली आहे. त्या पोस्टनुसार, 'देऊळ बंद २' चित्रपटाने पहिल्या दिवशी ३.०५ कोटी कमावले तर दुसऱ्या दिवशी ३.११ कोटींचा व्यवसाय केला. वीकेंडला तर चित्रपटाने बक्कळ कमाई केली आहे. कमाईत दुप्पट वाढ झाली आहे. चित्रपटाने तिसऱ्या दिवशी म्हणजेच शनिवारी ( वीकेंडला) तब्बल ५.२१ कोटी रुपयांचा गल्ला जमावला आहे. ज्यामुळे 'देऊळ बंद २' ची तीन दिवसांची एकूण कमाई ११.३७ कोटी रुपये झाली आहे. येणाऱ्या दिवसांत चित्रपट बक्कळ कमाई करणार असल्याचे दिसत आहे.

• दिवस १ - ३.०५ कोटी रुपये

• दिवस २ -.११ कोटी रुपये

• दिवस ३ -५.२१ कोटी रुपये

• एकूण - ११.३७ कोटी रुपये

'देऊळ बंद २'ची कमाई शेतकऱ्यांच्या मुला-मुलींच्या शिक्षणासाठी देण्यात येणार आहे. 'देऊळ बंद -2'मध्ये ज्येष्ठ अभिनेते मोहन जोशी श्री स्वामी समर्थांची भूमिका साकारली आहे. महिला शेतकऱ्याच्या भूमिकेत स्नेहल तरडे दिसली आहे.'देऊळ बंद -2' चित्रपटाचा मुख्य हेतू शेतकऱ्यांच्या आत्महत्यांना आळा घालणे हा असून आत्महत्या करून शेतकऱ्यांचे प्रश्न सुटत नाहीत तर बदलत्या परिस्थितीनुसार\ काळानुसार शेतीत बदल करण्याची गरज असल्याचा संदेश देते.