Nikki Tamboli: बिग बॉस फेम निक्की तांबोळी यांनी इंस्टाग्रामवर एक पोस्ट शेअर केली आहे. यामध्ये चाहते, जवळचे मित्र आणि काही लोकांना सावध राहण्याचा इशारा दिला आहे. तिने स्पष्ट केले की कोणीतरी तिच्या नावाचा वापर करून लोकांना फसवण्याचा प्रयत्न करत आहे. तिने सोशल मीडियावर या व्यक्तीबद्दल माहिती देखील शेअर केली आहे. निक्कीने तिच्या पोस्टमधून लोकांना सावध केले.

निक्की तांबोळीच्या नावाने स्कॅम

इंस्टाग्रामवरील एका पोस्टमध्ये निक्कीने एक नंबर आणि एक चॅट शेअर केला आहे. यामध्ये एक अज्ञात नंबर तिच्या जवळच्या लोकांशी संपर्क साधत आहे. पोस्टसोबत निक्कीने लिहिले आहे की, "कोणीतरी बनावट नंबरवरून लोकांना मेसेज करण्यासाठी माझे नाव आणि फोटो वापरत आहे. ही मी नाही. कृपया या व्यक्तीकडे दुर्लक्ष करा. उत्तर देऊ नका. हे स्कॅम असू शकते." कृपया या नंबरची तक्रार करा आणि ब्लॉक करा.

चॅट्समध्ये काय लिहीले होते

निक्कीने शेअर केलेल्या चॅटमध्ये लिहिले, हेय अमित कसा आहेस? मी ठीक आहे आणि तु, नेहमीच मस्त, छान. हा तुझा नवीन नंबर आहे का? हो सेव्ह करा, आशा आहे की तुला आपले शूट आठवत असेल, मला सुंदर दाखवण्यासाठी थँक्यू.

निक्की तांबोळी "द ५०" या रिअॅलिटी शोमध्ये

निक्की तांबोळी आणि तिचा बॉयफ्रेंड अरबाज पटेल यांनी नुकत्याच सुरू झालेल्या 'द ५०' या रिअॅलिटी शोमध्ये आहे. हे दोघे बऱ्याच काळापासून डेट करत आहेत. अरबाज पटेल शेवटचा 'राईज अँड फॉल' या शोमध्ये दिसला होता. तर, निक्की शेवटचा 'सेलिब्रिटी मास्टर शेफट या शोमध्ये दिसली होती.