मराठी चित्रपटसृष्टीतील आघाडीच्या अभिनेत्रींपैकी एक म्हणजे मुक्ता बर्वे. मुक्ता ही नेहमीच वेगवेगळ्या भूमिकांमधून प्रेक्षकांच्या भेटीला आली आहे. मुक्ता नुकतीच 'नाच गं घुमा' या चित्रपटात दिसली होती. चित्रपटाने बॉक्स ऑफिसवर चांगलीच कमाई केली आहे. मुक्ता ही तिच्या वैयक्तिक आयुष्यामुळेही चर्चेत असते. मुक्ताने वयाची चाळीशी ओलांडली तरी लग्न केले नाही. त्यामुळे तिला सोशल मीडियावर अनेक प्रश्न विचारण्यात आले आहे. नुकत्याच एका मुलाखतीत मुक्ताने लग्नासाठी तिची एक अट असल्याचे सांगितले आहे.

मुक्ता बर्वेचा मोठा चाहतावर्ग आहे. मुक्ताच्या लग्नाबाबत तिच्या चाहत्यांना अनेक प्रश्न पडलेले असतात. मुक्ता बर्वेने वयाची ४५ वर्षे ओलांडली तरी लग्न का केले नाही, असा प्रश्न तिला अनेकवेळा विचारण्यात आला आहे. लग्नासाठी तिला कसा मुलगा आहे, तिच्या अपेक्षा काय आहेत, असंही तिला अनेक मुलाखतीत विचारण्यात आले आहेत. मुक्ताने नुकत्यात एका मुलाखतीत याचा खुलासा केला आहे. मुक्ताने तिची लग्नासाठी असलेली अट सांगितली आहे.

'आता मी जितकी आनंदी आहे, सुखी आहे. त्यापेक्षा जास्त आनंद देणारा आणि सुख वाढवणारा कुणी मुलगा असेल तर मी नक्की लग्न करेन', असं मुक्ताने सांगितले आहे. मुक्ताची तिच्या नवऱ्यासाठी ही अट आहे. त्यामुळे मुक्ताला असा लाईफ पार्टनर कधी भेटणार, याकडे चाहत्यांचे विशेष लक्ष आहे.

मुक्ता बर्वेच्या वर्कफ्रंटबद्दल बोलायचे झाले तर, ती नुकतीच 'नाच गं घुमा' चित्रपटात झळकली होती. चित्रपटातील मुक्ताची अॅक्टिंग सर्वांनाच आवडली आहे. याचसोबत मुक्ता चारचौघी या नाटकाच्या माध्यमातून चाहत्यांच्या भेटीला येत आहे. या नाटकाचे देश विदेशात प्रयोग सुरु आहेत.