बॉलिवूडचा किंग खान शाहरुख खानची लेक सुहाना खान (Shahrukh Khan Daughter) नेहमी चर्चेत असते. सुहाना खान आज आपला २४ वा वाढदिवस साजरा करत आहे. सुहाना खानने वडिलांच्या पाऊलावर पाऊल ठेवत इंडस्ट्रीत पाऊल ठेवले आहे. सुहाना खानने 'द आर्चीज' या चित्रपटातून डेब्यू केला आहे. चित्रपटातील सुहानाच्या अभिनयाचे सर्वांनी खूप कौतुक केले होते. सुहानाने लहान वयात खूप मोठा चाहतावर्ग निर्माण केले आहे. सुहाना खान ही २४ व्या वर्षीच कोट्यवधी रुपयांची मालकीण आहे. जाणून घेऊया सुहाना खानची संपत्ती किती आहे.
सुहाना खान (Suhana Khan)ही बॉलिवूडचा किंग खान शाहरुखची लेक आहे. शाहरुख खानला आर्यन, सुहाना आणि अब्राहम अशी तीन मुले आहे. एकुलती एक मुलगी असल्याचे सुहाना शाहरुख आणि गौरीची लाडकी आहे. मीडिया रिपोर्टनुसार, सुहाना खानचे न्यू यॉर्कमध्ये स्वतः चे अलिशान घर आहे. या घराची किंमत सुमारे ३५ कोटी असल्याचे सांगण्यात येत आहे. काही दिवसांपूर्वी सुहानाने अलिबागमध्येही एक जागा खरेदी केली होती. या जागेची किंमत जवळपास १० कोटी असल्याचे बोलले जात आहे.
सुहाना खान ही एका ब्युटी ब्रँडची ब्रँड अॅम्बेसेडर आहे. ती maybelline या ब्यूटी ब्रँडचा चेहरा आहे. या ब्रँडच्या जाहीरातींमधून ती कोट्यवधी रुपये कमावते. मीडिया रिपोर्टनुसार, सुहाना खानची एकूण संपत्ती १३ कोटी रुपये आहे. अलिशान घर, जागेशिवाय तिच्याकडे रेंज रोव्हर आणि लम्बोर्गिनी सारख्या महागड्या कार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.