Michael Gambon AKA Dumbledore Passed Away

‘हॅरी पॉटर’ची आजही जगभरात खूपच क्रेझ आहे. या चित्रपटाच्या फॅनलिस्टमध्ये अगदी लहानांपासून ते थोरांमोठ्यांपर्यंत अनेकजण आहेत. अशातच प्रेक्षकांसमोर एक दुःखद बातमी येत आहे. चित्रपटामध्ये मिस्टर डंबलडोअरचे पात्र साकारणाऱ्या एका प्रसिद्ध अभिनेत्याचे निधन झाले आहे.

प्रसिद्ध हॉलिवुड अभिनेते मायकेल गॅम्बॉन यांचं निधन झालं आहे. त्यांनी ‘हॅरी पॉटर’ चित्रपटामध्ये मिस्टर डंबलडोअरचे पात्र साकारले होते. त्यांनी ते पात्र साकारल्या नंतर अवघ्या जगभरात त्यांचा मोठा चाहतावर्ग तयार झाला. मायकेल गॅम्बॉन यांनी हॅरी पॉटरच्या आठ सीरीजपैकी सहा सीरीजमध्ये काम केले होते. मायकेल गॅम्बॉन यांचं वयाच्या ८२ व्या वर्षी निधन झालं आहे. मायकेल गॅम्बॉन यांच्या निधनाचे वृत्त इंडियन एक्सप्रेसने दिले होते. त्यांचे निधन एका गंभीर आजाराने झाल्याचे सांगण्यात येत आहे. सशक्त आणि प्रभावी अभिनयामुळे मायकेल यांची चाहत्यांमध्ये ओळख होती.

मायकेल गॅम्बॉन यांच्या निधनाचे वृत्त ऐकून त्यांच्या जगभरातील चाहत्यांवर दुःखाचा डोंगर कोसळला आहे. मायकेल गॅम्बॉन यांच्या निधनाचे वृत्त पत्नी लेडी गॅम्बॉन आणि मुलगा फर्गस यांनी पब्लिसिटी क्लेअर डॉब्स यांना दिली होती.

पब्लिसिटी क्लेअर डॉब्स यांना दिलेल्या माहितीनुसार, “आम्हाला सर मायकल गॅम्बॉन यांच्या निधनाचे वृत्त सांगताना अत्यंत दुःख होत आहे. ते एक प्रेमळ पती आणि वडील होते. त्यांचे निधन न्यूमोनियामुळे झाला आहे. त्यांच्यावर रुग्णालयात उपचार सुरु होते. मात्र डॉक्टरांच्या अथक प्रयत्नानंतर त्यांची वयाच्या ८२ व्या वर्षी प्राणज्योत मालवली.”

मायकेल गॅम्बॉन यांच्या निधनानंतर हॉलिवूडवर मोठा दु:खाचा डोंगर कोसळला आहे. त्यांच्या निधनानंतर हॉलिवूडमधील अनेक सेलिब्रेटींनी पोस्ट शेअर करत त्यांना श्रद्धांजली वाहिली.