Shivrayancha Chhava First Look Out

दिग्दर्शक दिगपाल लांजेकर 'शिवराज अष्टक' यांचा नवा चित्रपट येत्या आगामी वर्षात प्रेक्षकांच्या भेटीला येत आहे. स्वराज्यरक्षक छत्रपती संभाजी महाराजांच्या जीवनावर येत्या नव्या वर्षात चित्रपट प्रेक्षकांच्या भेटीला येत आहे. मोठ्या पडद्यावर संभाजी महाराजांचा जीवनपट उलगडण्याचं शिवधनुष्य दिग्दर्शक दिग्पाल लांजेकर यांनी उचललं आहे.

'शिवरायांचा छावा' चित्रपटाची जेव्हा दिग्दर्शकांकडून घोषणा करण्यात आली, तेव्हापासून एकच चर्चा रंगली ती म्हणजे चित्रपटामध्ये मुख्य भूमिका कोण साकारणार ? या तेजस्वी, धाडसी, शस्त्रशास्त्र पारंगत शंभूराजांची भूमिका रुपेरी पडद्यावर साकारायची चालून आलेली सुवर्णसंधी कोणत्या कलाकाराला मिळणार हे लवकरच आपल्या समोर येणार आहे. तत्पूर्वी 'शिवरायांचा छावा' चित्रपटाच्या लक्षवेधी पोस्टरने प्रेक्षकांची उत्सुकता कमालीची वाढली आहे. (Marathi Film)

ए. ए. फिल्म्स आणि एव्हरेस्ट एंटरटटेंमेंट प्रस्तुत 'शिवरायांचा छावा' हा चित्रपट येत्या नव्यावर्षात १६ फेब्रुवारी २०२४ ला प्रेक्षकांच्या भेटीला येणार आहे. मल्हार पिक्चर्स कं.चे वैभव भोर, किशोर पाटकर, मधू यांनी या चित्रपटाची निर्मिती केली आहे. तर सह-निर्मिती भावेश रजनीकांत पंचमतीया यांनी केली आहे. संभाजी महाराजांच्या धगधगत्या अजेय पराक्रमाची कथा दिग्पाल लांजेकरांनी लिहिली असून पटकथा-संवाद आणि गाणी देखील त्यांचीच आहेत. गाण्यांना साजेसं संगीत युवा संगीतकार देवदत्त मनीषा बाजी यांनी दिलं आहे. पार्श्वसंगीत अमर मोहिले यांचे आहे. (Entertainment News)