'लग्नानंतर होईलच प्रेम' मालिकेत जीवा आणि काव्याचे अफेअर सर्वांना समजते. त्यानंतर चौघाचे आयुष्य बदलते. नंदिनी जीवाकडे आणि पार्थ काव्याकडे घटस्फोट मागतो. मात्र जीवा आणि काव्या आपापले प्रेम मिळवण्याचा निश्चय करतात. जीवा नंदिनीच्या घरी राहायला जातो. तर काव्या पार्थच्या घरी येते. आता या चौघांचे नाते कोणते वळण घेणार हे पाहणे महत्त्वाचे ठरणार आहे. अशात मालिकेच्या नवीन प्रोमोने सर्वांचे लक्ष वेधून घेतले आहे.

नवीन प्रोमो

'लग्नानंतर होईलच प्रेम'च्या नवीन प्रोमोमध्ये काव्या साडी नेसून खाली येते आणि दुसऱ्या बाजूने पार्थ फाईल बघत येत असतो. तेव्हा दोघांची टक्कर होते. काव्या पडणार असते मात्र पार्थ तिला सावरतो. काव्याला साडीत पाहून पार्थ तिच्याकडे पाहतच राहतो. फाईलमधील पाने सगळीकडे पसरतात. त्याच पानावरून रम्याचा पाय घसरतो आणि ती खाली पडते. तेव्हा रम्या पार्थकडे उठण्यासाठी हात मागते. तेव्हा काव्या पुढे येत रम्याला हात देते आणि म्हणते की, "रम्या यापुढे कधीही पडलीस तर मला हाक मार. मी तुला पुरून उरेन..."

नवीन प्रोमोला हटके कॅप्शन देण्यात आले आहे. लिहिलं की, "काव्या पडणार रम्यावर भारी…", अशी कॅप्शन दिली आहे. या प्रोमोवर चाहते भरभरून कमेंट्स करत आहेत. तसेच बदलेला लूक प्रेक्षकांना खूप आवडला आहे. हा खास एपिसोड रविवार 11 जानेवारी संध्याकाळ 7:00 वाजता स्टार प्रवाहवर पाहायला मिळणार आहे. त्यामुळे चाहते खूपच उत्सुक आहेत.

काव्याचा बदललेला लूक

'लग्नानंतर होईलच प्रेम'मध्ये सुरूवातीपासून काव्या ड्रेसमध्ये दिसली आहे. फक्त सणासुदीला ती साडी नेसलेली पाहायला मिळाली. मात्र आता लाडक्या बोक्याला आपल्या प्रेमात पाडण्यासाठी काव्याने आपला लूक बदलला आहे. काव्याने गुलाबी रंगाची साडी नेसली आहे. मोकळे केस, मिनिमल मेकअप, गळ्यात मोठे मंगळसूत्र घालून तिने लूक पूर्ण केला आहे. काव्याचा हा लूक पार्थला खूपच आवडलेला दिसत आहे.