बॉलिवूड अभिनेत्री करीना कपूर खान (Kareena Kapoor) कायम आपल्या हटके स्टाइलमुळे चर्चेत असते. तिला बॉलिवूडची बेबो या नावाने ओळखले जाते. तिच्या सौंदर्याचे चाहते दिवाने आहेत. सध्या करीनाची एक पोस्ट सोशल मीडियावर तुफान व्हायरल होत आहे. या पोस्टमध्ये करीना कपूर कोल्हापूरी चप्पल घालून दिसत आहे.

करीना कपूर खानने इन्स्टाग्रामवर एक स्टोरी पोस्ट केली आहे. स्टोरीमधून तिने एका लग्जरी ब्रँडवर टीका केली असून भारतीय कलेला पाठिंबा तसेच कौतुक केले आहे. करीनाने बीचवर बसलेल्याचा फोटो शेअर केला आहे. ज्यात ती आपली कोल्हापूरी चप्पल दाखवत आहे. तिने याला एक खास कॅप्शन दिलं आहे. तिने लिहिलं की, "सॉरी प्राडा नाही…पण माझे ओजी कोल्हापुरी" (Kolhapuri Chappal) करीना कपूरचा हा देसी स्वॅग प्रेक्षकांना खूप आवडला आहे.

करीना सध्या तिच्या कुटुंबासोबत सुट्टीत एन्जॉय करत आहे. तिने बीचवर आराम करताना दिसत आहे. तिने पायांत चमकदार चंदेरी रंगाच्या कोल्हापुरी चप्पल परिधान केल्या आहेत. करीनाच्या या पोस्टने सोशल मीडियावर धुमाकूळ घातला आहे. तसेच आपल्या भारतीय कलेचा अभिमान बाळगला आहे.

नेमकं प्रकरण काय?

गेल्या काही दिवसांपासून प्राडाला (PRADA) भारतात निषेधांचा सामना करावा लागत आहे. प्राडाने अलीकडेच पुरुषांच्या चप्पलांचे नवीन कलेक्शन सादर केले. त्यातील चप्पल भारतीय कोल्हापुरी चप्पलसारखी दिसत होती. त्यानंतर सोशल मीडियावर चर्चांना उधाण आले. असे बोले गेले की, "आंतरराष्ट्रीय ब्रँड भारतीय कलेला श्रेय न देता त्याचा वापर करतात. "