Bollywood Couples Celebrate The First Diwali

दिवाळी सण प्रत्येकासाठी खास असतो. जनसामान्यांपासून ते सेलिब्रिटींपर्यंत सर्वांसाठीच हा सण खास असतो. दरवर्षीप्रमाणे यंदाची दिवाळीही काही सेलिब्रिटींसाठी खास असणार आहे. बी- टाऊनमध्ये असे काही जोडपी आहेत, जे लग्नानंतरची पहिली दिवाळी सेलिब्रेट करीत आहेत.

मध्यंतरी काही सेलिब्रिटी लग्नबंधनात अडकले होते. त्यांची या वर्षीची ही लग्नानंतरची पहिली दिवाळी आहे. चला तर एक नजर टाकूया, अशा सेलिब्रिटी कपल्सवर जे यंदाच्या वर्षी लग्नानंतरची पहिली दिवाळी साजरी करणार आहेत.

दाक्षिणात्य अभिनेत्री लावण्या त्रिपाठी आणि वरुण तेज यांनी १ नोव्हेंबर २०२३ रोजी इटलीमध्ये लग्नगाठ बांधली होती. त्यांची ही लग्नानंतरची पहिलीच दिवाळी आहे.

बॉलिवूड अभिनेत्री परिणीती चोप्रा आणि आपचे खासदार राघव चढ्ढा यांनी सप्टेंबर २०२३ मध्ये उदयपूरमध्ये लग्नगाठ बांधली. परिणीती आणि राघव यांची लग्नानंतरची ही पहिलीच दिवाळी आहे.

'प्यार का पंचनामा' फेम अभिनेत्री सोनाली सहगलनेही जून २०२३ मध्ये बॉयफ्रेंड आशिष सजनानीसोबत लग्नगाठ बांधली. लग्नानंतर ही जोडी पहिलीच दिवाळी साजरी करणार आहे.

बॉलिवूडचे क्यूट कपल कियारा आणि सिद्धार्थ सुद्धा लग्नानंतरची पहिली दिवाळी साजरी करीत आहेत. गेल्या काही दिवसांपूर्वी सिद्धार्थ कियाराने दिल्लीमध्ये करवा चौथ साजरी केली. त्यांनी फेब्रुवारी २०२३ मध्ये लग्नगाठ बांधली होती.

बॉलिवूड अभिनेत्री स्वरा भास्कर आणि समाजवादी पक्षाचे नेते फहाद अहमद यांनी ६ जानेवारी २०२३ ला स्पेशल मॅरेज ॲक्टच्या अंतर्गत कोर्ट मॅरेज केले होते. त्यानंतर या जोडप्याने एका गोंडस बाळालाही जन्म दिला आहे. स्वरा- फवाद आपल्या गोंडस लेकीसोबत पहिलीच दिवाळी साजरी करीत आहेत.

क्रिकेटर के.एल.राहुल आणि सुनील शेट्टीची लेक आथियाने जानेवारी २०२३ मध्ये सप्तपदी घेत लग्नगाठ बांधली होती. इतर सेलिब्रिटी जोडींप्रमाणे ही जोडी सुद्धा लग्नानंतरची पहिली दिवाळी साजरा करीत आहेत.

टॉलिवूड अभिनेत्री हंसिका मोटवानीने गेल्या वर्षी डिसेंबर महिन्यामध्ये सोहेल खातुरियासोबत जयपूरमधील मुंडोटा फोर्टमध्ये लग्नगाठ बांधली होती. इतर सेलिब्रिटींप्रमाणे ही जोडी सुद्धा लग्नानंतरची पहिली दिवाळी साजरा करीत आहेत.