Pune Crime: पुणे हादरले! दिराकडून भावजयीवर जीवघेणा हल्ला, कोयत्याने सपासप वार

Summary:

• पुणे जिल्ह्यात जमिनीच्या वादातून कोयत्याने हल्ला

• आंबेगाव तालुक्यात दिराकडून भावजयीवर जीवघेणा हल्ला

• कौटुंबिक वादातून घडली घटना

• हल्ल्यात महिला गंभीर जखमी

• पोलिसांनी आरोपीला अटक करून तपास सुरू केला

जमिनीच्या वादातून दिराने भावजयीवर जीवघेणा हल्ला केला. पुणे जिल्ह्यातल्या आंबेगावमध्ये ही घटना घडली. जागेवरून झालेल्या कौटुंबिक वादातून ही घटना घडली. वाद इतका विकोपाला गेला की संतप्त झालेल्या दिराने भावजयीवर कोयत्याने सपासप वार केले. या हल्ल्यात महिला गंभीर जखमी झाली असून तिच्यावर रुग्णालयात उपचार सुरू आहेत.

मिळालेल्या माहितीनुसार, आंबेगाव तालुक्यातील धामणी गावात घराच्या जागेच्या वादातून संतापजनक घटना घडली. कौटुंबिक वादातून दिराने आपल्या वयस्कर सख्ख्या भावजयीवर थेट कोयत्याने जीवघेणा हल्ला केला. या हल्ल्यात महिला गंभीर जखमी झाली असून तिच्यावर सध्या खासगी रुग्णालयात उपचार सुरू आहेत. या घटनेमुळे परिसरात मोठी खळबळ उडाली आहे.

या घटनेची माहिती मिळताच पोलिसांनी घटनास्थळी धाव घेतली. सुरेश धोंडीबा सोनवणे असे आरोपीचे नाव आहे. या प्रकरणी पारगाव कारखाना पोलिस ठाण्यात आरोपीविरोधात गुन्हा दाखल करण्यात आला असून पोलिसांनी त्याला अटक केली. या घटनेमुळे संताप व्यक्त केला जात आहे. पारगाव कारखाना पोलिस या प्रकरणाचा पुढील तपास करत आहे. पोलिसांकडून आरोपीची चौकशी सुरू आहे.