जमीन आणि ट्रॅक्टर वादातून मुलाने वडील, बहीण आणि मेहुण्याला मारहाण.
बेल्ट आणि लोखंडी पाईपने अमानुष मारहाण केल्याचा आरोप.
वडिलांचे हातपाय बांधून गाडीत टाकून तलावात टाकण्याचा प्रयत्न केल्याचा आरोप.
विवाहितेवर अत्याचार करून तिला चावडीवर बांधण्याची घटना ताजी असतानाच आता पुन्हा एक धक्कादायक घटना केज तालुक्यात घडली आहे. जमीन आणि ट्रॅक्टर नावावर करण्यासाठी मुलाने वडिलांसह बहीण आणि मेहुण्याला बेदम मारहाण केली आहे. बहीण आणि मेहुण्याच्या अंगावर चटणी टाकून लोखंडी पाईप आणि बेल्टने अमानुष मारहाण केली. या प्रकरणात केज पोलीसात गुन्हा दाखल करण्याची प्रक्रिया सुरू आहे. ही घटना केज तालुक्यातील नाव्होली गावात घडली आहे.
ट्रॅक्टरची चावी आणि जमीन नावावर करून दे म्हणत मुलाने सासरच्या लोकांना सोबत वडिलांना मारहाण केल्याची घटना नाव्हेली गावात घडली आहे. वडिलांना मारहाण केल्यानंतर त्यांचे हातपाय बांधून त्यांना गाडीत कोंबलं आणि त्यांना तलावात टाकण्याचा प्रयत्न केल्याचा आरोप स्थानिकांनी केला आहे. या मारहाणीचे एक सीसीटीव्ही फुटेज देखील समोर आले आहेत. काल रात्री ८ ते ९ च्या दरम्यान ही घटना घडली असून जखमींवर अंबाजोगाई येथील स्वाराती रुग्णालयात उपचार सुरू आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.