Athiya- K.L.Rahul Wedding: 'राहुल माझा जावई नाही तर...' सुनील शेट्टी राहुलबद्दल जरा स्पष्टच बोलला...

Athiya- K.L.Rahul Wedding: बॉलिवूड अभिनेत्री अथिया शेट्टी आणि भारतीय क्रिकेट संघाचा खेळाडू केएल राहुलचं लग्न मोठ्या धूमधडाक्यात संपन्न झालं. लग्नानंतर हे कपल मीडियासमोर येण्याआधी बॉलिवूड अभिनेता सुनिल शेट्टी आणि अथियाचा भाऊ अभिनेता अहान शेट्टी माध्यमांसमोर आले होते. सुनील शेट्टी यावेळी खूपच आनंदीत दिसला आणि नंतर त्याने माध्यमांसोबत संवादही साधला. यावेळी माध्यमांसोबत बोलताना सुनिल शेट्टीचे एक वक्तव्य सोशल मीडियावर जबरदस्त व्हायरल होत आहे.

सुनिल शेट्टी म्हणतो, "आता माझा रोल काही तसा नवीन नसेल. वडीलांचाच रोल असेल. राहुल माझा दुसरा मुलगाच आहे. हो पण आता अधिकृतरित्या सासरा बनलोय." हे बोलताना सुनिल शेट्टी खूप खूश दिसला. यावेळी त्यानं हात जोडून माध्यमांचे आभार मानले.

अथिया शेट्टी- के.एल. राहुलचं लग्न लागल्यानंतर सुनिल शेट्टीसोबत काही लोकही नजरेस पडले. त्यावेळी सगळ्यांच्या हातात मिठाईचे मोठे बॉक्स होते. सुनिलने मुलगा अहानसोबत मीडियाला त्याच्या हातांनी मिठाईच्या बॉक्सचे वाटप केले.

लग्नात सुनिल शेट्टीने लुंगी आणि कुर्ता परिधान केला होता. सोबतच त्याच्या माळेनी आणि कोल्हापुरी चप्पलने सर्वांचे लक्ष वेधले. त्याच्या कपाळावर मोठा टीळा होता. तर अहाननं व्हाइट कलरची शेरवानी घातली होती. अथिया आणि के.एल.राहुलचं लग्न सुनील शेट्टीच्या खंडाळ्यातील बंगल्यात झाले. ज्यामध्ये बॉलिवूडपासून क्रिकेट जगतातील अनेक बड्या लोकांनी हजेरी राहिली होती.