नुकताच रोहित शेट्टीच्या (Rohit Shetty) 'सिंघम अगेन'चा (Singham Again) ट्रेलर लाँच सोहळा पार पडला आहे. या चित्रपटात तगडी स्टारकास्ट पाहायला मिळाली आहे. या चित्रपटात दीपिका पादुकोण, रणवीर सिंग (Ranveer Singh ), करिना कपूर आणि अजय देवगणची दमदार भूमिकेत दिसणार आहेत. चित्रपटाचा ट्रेलर लाँच मुंबईत पार पडला आहे. दीपिका आणि रणवीर हे बॉलिवूडचे पावर कपल आहेत. दोघांनीही अनेक हिट चित्रपट केले आहेत.

ट्रेलर लाँचच्या वेळी रणवीरने सांगितलं की, हा चित्रपट त्याच्या मुलीचा पहिला चित्रपट आहे. कारण या चित्रपटाच्या शूटिंगदरम्यान दीपिका (Deepika Padukone) प्रेग्नेंट होती. म्हणजे प्रेग्नन्सी मध्ये दीपिका चित्रपटाचे शूटिंग केलं होतं. त्यामुळे "मा‍झ्या मुलीने बेबी सिंबाने (Baby Simba) 'सिंघम अगेन'मधून बॉलिवूडमध्ये पदार्पण केले आहे. असे रणवीर बोलतो. " पुढे रणवीर बोलला की, "दीपिका घरी बाळासोबत आहे. त्यामुळे ती ट्रेलर लाँचला येऊ शकली नाही. माझी रात्रीची ड्युटी आहे. तसेच रणवीरने एका अनोख्या शैलीत प्रेक्षकांना दिवाळीच्या शुभेच्छा दिल्या आहेत. तो म्हणाला "लेडी सिंघम, सिम्बा आणि बेबी सिम्बाकडून तुम्हाला दिवाळीच्या शुभेच्छा!"

दीपिका सिंघम अगेनमध्ये शक्ती शेट्टीच्या भूमिकेत दिसणार आहे. जी कॉप युनिव्हर्सची महिला आहे. हा ॲक्शनचा धमाका आहे. तर रणवीर सिंबाच्या भूमिकेत दिसणार आहे. तसेच या चित्रपटात अर्जुन कपूर, टायगर श्रॉफ, जॅकी श्रॉफ आणि अक्षय कुमार यांची देखील दमदार ॲक्शन पाहायला मिळणार आहे.