लहानांपासून मोठ्यापर्यंत सर्वांचा आवडता शो सीआयडी (CID Season 2) पुन्हा एकदा प्रेक्षकांचे दमदार मनोरंजन करण्यासाठी येत आहे. हा बहुप्रतीक्षित शो आहे. या शोने अनेक काळ प्रेक्षकांच्या मनावर राज्य केले आहे. आजही या शोचे डायलॉग लोकांच्या तोंडावर आहेत.

सीआयडीचे कलाकार एसीपी प्रद्युमन (Shivaji Satam) , इन्स्पेक्टर अभिजीत (Aditya Srivastava) आणि इन्स्पेक्टर दया (Dayanand Shetty) हे त्रिकूट पुन्हा तुम्हाला भेटायला एका नव्या अंदाजात येणार आहेत. या भूमिकांमध्ये कलाकार शिवाजी साटम, आदित्य श्रीवास्तव आणि दयानंद शेट्टी हे आहेत. ज्यांनी आपल्या दमदार अभिनयाने आजही प्रेक्षकांच्या हृदयात आपली जागा बनवली आहे.

सीआयडी या शोने 2018 मध्ये प्रेक्षकांचा निरोप घेतला होता. सीआडीने तब्बल 20 वर्षे प्रेक्षकांचे मनोरंजन केले आहे. सीआयडीचे डॉयलॉग कुछ तो गडबड हैं, दया तोड दो दरवाजा हे आजही प्रेक्षकांच्या मनावर घर करून आहेत.

सीआयडीने शेअर केलेल्या प्रोमोनुसार 21 डिसेंबरपासून सुरू होणार आहे. हा शो सोनी एन्टरटेन्मेंट टेलिव्हिजनवर दर शनिवार आणि रविवार पाहता येणार आहे. सीआयडीची रिलीज डेट पाहून चाहते खूप खुश झाले आहेत. अभिजीतने दयावर गोळी झाडली होती आणि दया दरीत पडला होता. मात्र आता प्रदर्शित झालेल्या सीआयडीच्या प्रोमोमध्ये तुम्ही पाहू शकता की, दया पुन्हा येतो. आपल्या दमदार स्टाईलमध्ये दरवाजा तोडून आत प्रवेश करताना दिसत आहे. तो बोलतो की, "शत्रूला धडा शिकवायला दया पुन्हा आला आहे."