ब्युरो रिपोर्ट, साम टीव्ही, मुंबई
जेवणाचा स्वाद वाढवणारे पुदिना आणि कोथिंबीर उन्हाळ्यात लवकर खराब होतात. पण काही घरगुती टिप्सचा वापर करुन तुम्ही योग्यरित्या स्टोर करु शकता.
पुदिना आणि कोथिंबीरचे देठ कापून घ्या आणि एका ग्लासमध्ये पाणी घेऊन त्यात बुडवा. पानांना प्लास्टिकच्या पिशवीने गुंडाळून घ्या आणि फ्रिजमध्ये ठेवा.
पाने नीट धुवून सुकवा, नंतर ओल्या सुती कापडात गुंडाळा आणि नंतर झिपलॉक बॅगमध्ये ठेवून फ्रिजमध्ये ठेवा. हि पाने १५ ते २० दिवस ताजी राहतील.
पाने धुवून बारिक चिरुन घ्या. मिक्सरमध्ये पानांची प्युरी बनवून घ्या. ही तयार केलेली प्युरी आईस क्यूब ट्रेमध्ये थोडे पाणी किंवा ऑलिव्ह ऑइल घालून गोठवा. जेव्हा गरज असेल तेव्हा प्युरी केलेले क्यूब वापरा.
पाने फ्रिजमधील सर्वात थंड ठिकणी ठेवा. फळांसोबत साठवू नका, कारण की, त्यातून निघणाऱ्या वायूंमुळे पाने लवकर खराब होऊ शकतात.
जर तुम्हाला पाने जास्त काळ साठवायची असतील तर ती धुवून सुकवा आणि हवाबंद डब्यात ठेवा.
पाने धुतल्यानंतर ती पूर्णपणे सुकवून घ्या कारण की, ओलाव्यामुळे पाने लवकर कुजण्यास सुरुवात होऊ शकते.
उन्हाळ्यात पाने फ्रिजमध्ये ठेवण्यापूर्वी जास्त वेळ बाहेर ठेवू नका.