टीव्ही इंडस्ट्रीतून दु:खद बातमी समोर येत आहे. सीआयडीमध्ये फ्रेड्रिक्सची भूमिका साकारणारे अभिनेते दिनेश फडनीस यांचे निधन झाले आहे. दिनेश फडनीस यांचे सोमवारी मुंबईमध्ये उपचारादरम्यान निधन झाले. ते ५७ वर्षांचे होते. त्यांच्या निधनामुळे टीव्ही इंडस्ट्रीवर शोककळा पसरली आहे. सध्या सोशल मीडियावर पोस्ट करत त्यांचे चाहते आणि सेलिब्रिटी त्यांना श्रद्धांजली वाहत आहेत.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
मिळालेल्या माहितीनुसार, दिनेश फडनीस यांचे मुंबईतील तुंगा रुग्णालयात उपचारादरम्यान निधन झाले आहेत. सोमवारी रात्री 12 वाजता त्यांनी जगाचा निरोप घेतला. दिनेश यांना हृदयविकाराचा तीव्र झटका आला होता. त्यानंतर कुटुंबीयांनी त्यांना उपचारासाठी तुंगा रुग्णालयामध्ये दाखल केले होते.
उपचारादरम्यान प्रकृती गंभीर झाल्यामुळे त्यांना व्हेंटिलेटरवर ठेवण्यात आले होते. त्यांच्या प्रकृतीमध्ये सुधारणा व्हावी यासाठी चाहते प्रार्थना करत होते. पण सोमवारी रात्री उपचारादरम्यान त्यांची प्राणज्योत मालवली. सीआयडीमधील त्यांचे सहकलाकार दयानंद शेट्टी यांनी त्यांच्या निधनाची माहिती दिली.
दिनेश फडनीस यांच्या पार्थिवावर आज अंत्यसंस्कार करण्यात येणार आहे. बोरीवली पूर्वच्या दौलतनगर स्मशानभूमीत त्यांच्या पार्थिवावर अंत्यसंस्कार करण्यात येणार आहे. त्यांच्या निवासस्थानी सीआयडीची संपूर्ण टीम दाखल झाली आहे. त्यांच्या निधनानंतर सध्या सोशल मीडियावर पोस्ट करत चाहते दु:ख व्यक्त करत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.