Jawan Movie Released:

बॉलिवूडचा (Bollywood) 'किंग खान' अर्थात अभिनेता शाहरुख खानचा (Actor Shah Rukh Khan) मोस्ट अवेटेड 'जवान' चित्रपट (Jawan Movie) आज प्रदर्शित झाला. शाहरुखच्या चाहत्यांसाठी आजचा दिवस हा खूपच खास आहे. मध्यरात्रीपासूनच देशभरातील थिएटरबाहेर शाहरुखच्या चाहत्यांनी चित्रपट पाहण्यासाठी मोठी गर्दी केली होती. आज सकाळपासूनही चित्रपटगृहाबाहेर मोठी गर्दी पाहायला मिळत आहे.

जवान चित्रपटाचा फर्स्ट शो पाहणाऱ्या चाहत्यांनी तर थिएटरमध्ये राडाच केला. जवानमधील शाहरुखच्या 'जिंदा बंदा' गाण्यावर तर चाहत्यांनी स्क्रिनच्या समोर उभं राहून जबरदस्त डान्स केला. सोशल मीडियावर सध्या हे व्हिडिओ तुफान व्हायरल होत आहेत. सध्या सोशल मीडियावर जवानचीच हवा पाहायला मिळत आहे.

जवान चित्रपटाचा फर्स्ट डे, फर्स्ट शो पाहतानाच चाहत्यांना आनंद गगनामध्ये मावेनासा झाला होता. चित्रपट पाहताना चाहत्यांनी एकच जल्लोष करत या चित्रपटाचा आनंद घेतला. सध्या सोशल मीडियावर एक व्हिडिओ व्हायरल होत आहे ज्यामध्ये शाहरुखच्या चित्रपटातील 'झिंदा बंदा' हे गाणं ज्यावेळी लागले. त्यावेळी शाहरुखच्या चाहत्यांनी संपूर्ण थिएटरच हादरवून सोडले. आपल्या सीट सोडून सर्व प्रेक्षक थिएटरमधील स्क्रीनजवळ जाऊन डान्स करू लागले. शाहरुखच्या जवानची प्रेक्षकांमध्ये किती क्रेझ आहे याची प्रचिती या व्हिडिओच्या माध्यमातून येत आहे.

शाहरुख खानचे जबरा फॅन तर फक्त थिएटरमध्येच नाही तर थिएटरबाहेर देखील एकच जल्लोष करत आहे. या चित्रपटाच्या फर्स्ट शोला चाहत्यांकडून मिळणाऱ्या भरघोस प्रतिसादामुळे हा चित्रपट पहिल्याच दिवशी सुपरहिट ठरेल आणि भरघोस कमाई करेल असे दिसून येत आहे. ठिकठिकाणी शाहरुखचे चाहते जवान रिलीज झाल्याचे सेलिब्रेशन करत आहेत. काही ठिकाणी तर थिएटरबाहेर शाहरुखचे मोठे कटआऊट लावून ढोल ताशांचा गजरामध्ये चित्रपटाचे स्वागत करण्यात आले. सोशल मीडिया प्लॅटफॉर्म एक्सवर तर चित्रपट रिलीज झाल्यासंदर्भातील अनेक व्हिडिओ तुफान व्हायरल होत आहेत.