यामी गौतमचा (Yami Gautam) 'आर्टिकल 370' चित्रपट (Article 370 Film) थिएटरमध्ये रिलीज झाला आहे. गेल्या अनेक दिवसांपासून प्रेक्षकांमध्ये या चित्रपटाची जोरदार चर्चा सुरू आहे. २०१९ मध्ये देशाचे गृहमंत्री अमित शाह यांनी जम्मू- काश्मिरमधून 'कलम ३७०' हटवला होता. सत्य घटनेवर आधारित असलेल्या या चित्रपटाला प्रेक्षकांकडून उत्तम प्रतिसाद मिळत आहे. (Bollywood)
काश्मिरवरील परिस्थितीवर भाष्य करणारा हा दुसरा चित्रपट आहे. 'द काश्मीर फाईल्स' नंतर 'आर्टिकल ३७०' बद्दल प्रेक्षकांमध्ये जोरदार चर्चा पाहायला मिळत आहे. चित्रपटाला प्री- बुकिंगमध्ये उत्तम प्रतिसाद मिळाला आहे. या चित्रपटाला समीक्षकांकडून उत्तम प्रतिसाद मिळत आहे. 'आर्टिकल 370' या चित्रपटानं रिलीजच्या पहिल्या दिवशी किती कमाई केली? जाणून घेऊयात... (Bollywood Film)
यामी गौतम आणि प्रियामणी राज स्टारर 'आर्टिकल 370' चित्रपटाचं प्रदर्शनापूर्वी पीएम नरेंद्र मोदींनीही या चित्रपटाचं कौतुक केलं होतं. चित्रपटाचे कौतुक फक्त समीक्षकांनीच नाही तर, प्रेक्षकांनीही केले आहे. Sacnilk च्या सुरुवातीच्या रिपोर्टनुसार, 'आर्टिकल 370' या चित्रपटाने रिलीजच्या पहिल्या दिवशी ५.७५ कोटी रुपयांची कमाई केली आहे. मुख्य बाब म्हणजे चित्रपटाने विवेक अग्निहोत्री दिग्दर्शित 'द काश्मीर फाईल्स' चित्रपटाचा ओपनिंग डेचा रेकॉर्ड मोडित काढला आहे. या चित्रपटाने प्रदर्शनाच्या पहिल्या दिवशी ३.५५ कोटींची कमाई केली होती. (Bollywood News)
'आर्टिकल 370' हा चित्रपट घटनेतील कलम 370 हटवणे आणि काश्मीरमधील दहशतवाद या विषयावर आधारित आहे. या चित्रपटासाठी निर्मात्यांनी कोट्यवधींचा खर्च केलेला आहे. अरुण गोविल, यामी गौतम, प्रियामणी, किरण करमरकर यांच्यासह अनेक कलाकारांनी 'आर्टिकल 370' या चित्रपटामध्ये महत्त्वाच्या भूमिका साकारल्या आहेत. (Entertainment News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.