Kangana Ranaut With A Mystery Man

बॉलिवूडची पंगा गर्ल आणि बॉलिवूडची ड्रामा क्वीन कंगना रणौत कायमच कोणत्या ना कोणत्या कारणामुळे चर्चेत असते. कंगनाचे २०२३ या वर्षामध्ये रिलीज झालेले एकही चित्रपट बॉक्स ऑफिसवर यशस्वी ठरले नाहीत. सध्या कंगना तिच्या चित्रपटांमुळे नाही तर तिच्या खासगी आयुष्यामुळे चर्चेत आली आहे.

गेल्या अनेक दिवसांपासून कंगना रणौत नेमकी कोणाला डेट करतेय? असा प्रश्न सर्वांना पडला आहे. या प्रश्नाचं खरं उत्तर एका व्हिडीओतून नेटकऱ्यांना मिळालं आहे. एका व्हायरल फोटोमध्ये ती एका व्यक्तीचा हात पकडताना ती दिसतेय. (Bollywood News)

कंगना एका मिस्ट्री मॅनसोबत सलूनमधून बाहेर पडतानाचा फोटो व्हायरल होत आहे. हा मिस्ट्री मॅन नेमका कोण आहे?, असा प्रश्न सर्वांनाच पडला आहे. 'योगेश शहनशाह'या पापाराझीने हा फोटो त्याच्या इन्स्टाग्राम अकाऊंटवर शेअर केला आहे.

कंगना शुक्रवारी (१२ जानेवारी) एका सलूनमध्ये गेली होती. त्यावेळी तिला काही पापाराझींनी स्पॉट केलं. यावेळी कंगनाने आकाशी रंगाचा वनपिस, मोकळे केस आणि ब्लॅक कलरचा गॉगल असा संपूर्ण लूक केला होता. तर कंगनासोबत असणाऱ्या मिस्ट्री मॅनने ब्लॅक कलरचा शर्ट, टी- शर्ट आणि जीन्स असा लूक केला होता. पण तो भारतीय नसून परदेशी व्यक्ती आहे. व्हायरल व्हिडीओमध्ये दिसणारी व्यक्ती कोण आहे? असा प्रश्न सध्या सर्वांनाच पडला आहे. (Bollywood Actress)

कंगनाचे मिस्ट्री मॅनसोबतचे फोटो सोशल मीडियावर जोरदार व्हायरल होत असून नेटकऱ्यांनी बॉयफ्रेंड आहे का?, असा प्रश्न विचारत आहे. कंगानाला अनेकांनी बॉयफ्रेंड आहे का? तुझ्या बॉयफ्रेंडचे नाव काय? असा प्रश्न विचारला. पण ही परदेशी व्यक्ती तिचा बॉयफ्रेंड नसून तो एक लोकप्रिय हेयर स्टायलिस्ट आहे. याला बॉलिवूडमधील अनेक अभिनेते आणि अभिनेत्री फॉलो करतात. हे दोघेही एकमेकांना डेट करत नसून कंगना सलूनमधून बाहेर येऊन सहज त्याचा हात धरून आली. (Entertainment News)

कंगनाच्या वर्कफ्रंटबद्दल बोलायचे तर, २०२४ मध्ये तिचा 'इमर्जन्सी' हा पीरियड ड्रामा चित्रपट रिलीज होणार आहे. कंगना या चित्रपटामध्ये प्रमुख भूमिकेत असून ती स्वत: या चित्रपटाचं दिग्दर्शन करत आहे. या व्यतिरिक्त कंगना पॅन इंडिया सायकोलॉजिकल थ्रिलर चित्रपटातही दिसणार आहे, त्या चित्रपटामध्ये कंगना आर माधवनसोबत दिसणार आहे. (Bollywood Film)