बॉलिवूडची मस्तानी दीपिका पदुकोण (Deepika Padukone) आज 39 वर्षांची झाली आहे. दीपिकाचा आज वाढदिवस आहे. तिने आजवर आपल्या दमदार अभिनयाने आणि सौंदर्याने चाहत्यांना घायाळ केले आहे. गेल्या वर्ष दीपिका आई झाली आहे. तिने एका गोंडस मुलीला जन्म दिला आहे. दीपिकाने बॉलिवूड इंडस्ट्रीत एक स्वतःची शानदार ओळख बनवली आहे.

दीपिकाने आपले मॉडेलिंगचे करिअर वयाच्या ९ व्या वर्षापासून सुरू केले. मॉडेलिंगनंतर दीपिकाने 'ओम शांती ओम' चित्रपटातून 2007 मध्ये बॉलिवूडमध्ये एन्ट्री केली. आजवर दीपिकाने पठान, जवान, बाजीराव मस्तानी, पद्मावत, ये जवानी है दिवानी आणि चेन्नई एक्सप्रेस असे सुपरहिट चित्रपट केले आहेत.

दीपिका पदुकोण नेटवर्थ

दीपिका पदुकोण चित्रपटांसोबतच ब्रँडमधून देखील कमाई करते. तिचा 82°E या नावाचा ब्युटी ब्रँड देखील आहे. मीडिया रिपोर्ट्सनुसार, दीपिका पदुकोणची एकूण संपत्ती 500 कोटींहून अधिक आहे. दीपिका एका चित्रपटासाठी जवळपास 15-30 कोटी रुपये घेते. दीपिकाकडे खूप आलिशान कार आहेत. अभिनेत्रीकडे मर्सिडीज मेबॅक 500, ऑडी अशा अनेक महागड्या कार आहेत. दीपिका पदुकोणचे मुंबईत आलिशान घर आहे. ज्याची किंमत कोटींमध्ये आहे.

दीपिकाचे नैराश्य

या यशाच्या काळात दीपिकाला एक वेळेसाठी खूप नैराश्य आले होते. तेव्हा तिने दिलेल्या एका मुलाखतीत सांगितले होते की, "तिच्या मनात एकेकाळी आयुष्य संपवायचा विचार देखील आला होता." बॉलिवूड अभिनेता रणबीर कपूरसोबतचे नाते तुटल्यावर दीपिकाला स्वत:ला सावरणे खूप कठीण झाले होते. मात्र आता दीपिका पदुकोण आणि रणबीर कपूर आपापल्या वैयक्तिक आयुष्यात व्यस्त आहेत. दीपिकाने रणवीर सिंहसोबत आयुष्याची गाठ बांधली. तर रणबीर कपूर आता थाटात आलिया भट्ट्सोबत संसार करत आहे.