अमेरिका-इराण संघर्षामुळे एलपीजी सिलिंडरच्या किंमती वाढल्या आहेत. LPG सिलिंडरच्या कमतरतेमुळे आणि वाढत्या किमतींमुळे अनेक रेस्टॉरंट्स बंदही झाले आहेत. तसेच सर्वसामान्यांच्या घरी गॅसची टंचाई पाहायला मिळत आहेत. परिस्थिती इतकी गंभीर झाली आहे की, लोक गॅस सिलिंडरचा काळा बाजार करताना दिसत आहे. अशात 'बिग बॉस 15' फेम अभिनेता राजीव अदातिया (Rajiv Adatia) यांची एक पोस्ट सोशल मीडियावर व्हायरल होत आहे. या पोस्टमध्ये, राजीव रस्त्यावर गॅस सिलिंडर विकताना दिसत आहे. सिलिंडरची किंमत वाचून तुम्हाला धक्का बसले.

राजीव अदातियाने त्याच्या इंस्टाग्राम अकाउंटवर एक फोटो शेअर केला आहे. ज्यात तो रस्त्याच्या कडेला उभ्या असलेल्या भरलेल्या सिलिंडरच्या गाडीसोबत पोज देताना दिसत आहे. निळ्या डेनिम जीन्स, राखाडी टी-शर्ट, स्टायलिश शूज आणि काळ्या चष्म्यात राजीव खूप हँडसम दिसत आहे. राजीवने एका सिलिंडरची किंमत चक्क 10 लाख ठेवली आहे. तसेच पोस्टला एक मजेशीर कॅप्शन दिले आहे.

राजीव अदातिया पोस्ट

"मी आता हे ठरवलंय की, सध्या बॉलिवूडपेक्षा गॅस विकण्यातच जास्त पैसा आहे! एका गॅस सिलिंडरची किंमत १० लाख! मला दिवसाला मिळणाऱ्या मानधनापेक्षाही हे कितीतरी जास्त आहे! ही तर सोन्याची खाणच आहे!" या पोस्टवर चाहते, कलाकार मंडळी विनोदी कमेंट्स करताना दिसत आहेत. काही चाहत्यांनी विनोदाने राजीवला त्यांच्या घरी काही सिलिंडर पाठवण्याची विनंती केली आहे. ही फक्त एक मजेशीर पोस्ट आहे.

वर्कफ्रंट

राजीव अदातिया हा एक उत्तम अभिनेता आणि मॉडेल देखील आहे. राजीव अदातियाला 'बिग बॉस 15' मुळे खूप लोकप्रियता मिळाली आहे. तसेच तो 'खतरों के खिलाडी' चा देखील भाग राहीला आहे. सेलिब्रिटी मास्टरशेफमध्ये देखील तो दिसला. राजीव अदातिया सोशल मीडियावर खूप सक्रिय असतो. आपल्या विनोदी शैलीने प्रेक्षकांना खूप हसवतो.