'उपमुख्यमंत्र्यांच्या ऑफिसमधून आलोय'; गोदामात शिरून ४ सिलिंडर घेऊन गेले; एजन्सी कर्मचाऱ्यांच्या तपासानंतर धक्कादायक माहिती उघड

उत्तर प्रदेशच्या राजधानीत पटनामध्ये उपमुख्यमंत्री सम्राट चौधरी यांच्या नावाने सिलिंडर लंपास केल्याचे समोर आलं आहे. काही लोकांनी सरकारी अधिकारी असल्याचे बतावणी करत गॅस एजन्सीच्या कार्यालयात घुसले. त्यानंतर एजन्सीतून ४ एलपीजी सिलिंडर घेऊन गेले. यानंतर एजन्सीने उपमुख्यमंत्र्यांच्या कार्यालयाशी संपर्क साधला. त्यानंतर या प्रकरणी तपासाला सुरुवात केली आहे.

मिळालेल्या माहितीनुसार, पटनाच्या गर्दनीबाग भागात गुरुवारी गॅस एजन्सीमध्ये काही लोक पोहोचले. त्यांनी उपमुख्यमंत्री सम्राट चौधरी यांच्या कार्यालयातून आल्याचे सांगितले. त्यांनी एजन्सी कर्मचाऱ्याकडे १५ गॅस सिलिंडरची मागणी केली.

बोगस अधिकाऱ्यांनी गोदामातील सिलिंडरची पाहणी करण्याची मागणी केली. त्यावेळी त्यांना ४ गॅस सिलिंडर आढळले. त्यानंतर त्यांनी ४ सिलिंडर घेऊन गेले. बोगस अधिकाऱ्यांनी व्हीव्हीआयपी असून आम्हाला रांग लावायची गरज नसल्याचे सांगितले. त्यानंतर त्यांनी ४ सिलिंडर घेऊन घटनास्थळावरून फरार झाले.

उपमुख्यमंत्र्यांच्या कार्यालयातून स्पष्टीकरण

उपमुख्यमंत्री सम्राट चौधरी यांच्या कार्यालयाने बोगस अधिकाऱ्यांशी संबंध नसल्याचे स्पष्ट केलं. उपमुख्यमंत्री कार्यालयाचे सचिव शैलेंद्र ओझा यांनी म्हटलं की, उपमुख्यमंत्री कार्यालयातील कोणत्याही कर्मचारी गॅस एजन्सीच्या कार्यालयात एलपीजी सिलिंडर आणण्यास गेला नव्हता. गॅस सिलिंडर घेऊन जाणाऱ्यांचा आमच्या कार्यालयाशी संबंध नाही'.

'उपमुख्यमंत्री कार्यालयात 'सब डिव्हिजनल ऑफिसर' असे पद अस्तित्वात नाही. कार्यालयाने गॅस एजन्सीने सिलिंडरची मागणी केली नव्हती. एजन्सीची फसवणूक झाली आहे,असे अधिकाऱ्याने स्पष्ट केलं आहे.

उपमुख्यमंत्र्यांच्या कार्यालयाने कोणतेही प्रकारची सिलिंडर मागितले नव्हते, असे स्पष्टीकरण दिलं आहे. तसेच कार्यालयातूनही कोणाला सिलिंडर घ्यायला पाठवलं नव्हतं, असे सांगण्यात आलं. आता या प्रकरणात तपासानंतर कडक कारवाई होण्याची शक्यता आहे.