सध्या सर्वत्र 'बिग बॉस 19' ची चर्चा पाहायला मिळत आहे. लवकरच हिंदी 'बिग बॉस 19' चा लवकरच ग्रँड फिनाले पार पडणार आहे. चाहते बिग बॉसचा विजेता कोण होणार, हे जाणून घेण्यासाठी खूपच उत्सुक आहेत. अशात सोशल मीडियावर एक वेगळीच चर्चा रंगली आहे. 'कलर्स मराठी' वाहिनीने एक खास व्हिडीओ शेअर केला आहे. ज्यामुळे सर्वत्र बिग बॉस मराठीचा नवीन सीझन येणार असल्याचे बोले जात आहे.

नुकताच 'कलर्स मराठी' वाहिनीने एक प्रोमो व्हिडीओ शेअर केला आहे. त्यात "उद्या संध्याकाळी काहीतरी धमाकेदार येतंय" असे लिहिलेले पाहायला मिळत आहे. तसेच व्हिडीओला हटके कॅप्शन देण्यात आले आहे. लिहिलं की, "सर्वांची उत्सुकता शिगेला पोहोचणार, उद्या संध्याकाळी काहीतरी धमाकेदार येणार!" या व्हिडीओवर चाहत्यांकडून कमेंट्सचा वर्षाव होत आहे. कमेंट्समध्ये फक्त बिग बॉस मराठीच्या नवीन सीझनची चर्चा पाहायला मिळत आहे.

'बिग बॉस मराठी 5' खूप गाजला. या पर्वाचे होस्टिंग बॉलिवूड आणि मराठी अभिनेता रितेश देशमुखने केले. 'बिग बॉस मराठी 5' चा विजेता सूरज चव्हण झाला आहे. सूरजला बिग बॉसमुळे खूप लोकप्रियता मिळाली. त्याचा 'झापुक झुपूक' चित्रपटही आला. तसेच सूरज आता लवकरच लग्नबंधनात अडकणार आहे. अद्याप 'बिग बॉस मराठी 6' या नव्या सीझनची अधिकृत घोषणा झाली नाही. मात्र प्रेक्षक मराठी बिग बॉससाठी खूपच उत्सुक आहेत.

आज संध्याकाळी या व्हिडीओ मागचा खरा अर्थ समजणार आहे. तसेच जर 'बिग बॉस मराठी' चा नवा सीझन येत असेल तर या सीझनचे होस्टिंग कोण करणार? नव्या सीझनमध्ये कोणते कलाकार झळकणार हे सर्व पाहणे महत्त्वाचे ठरणार आहे.