बिग बॉसच्या घरात वाद वाढताना दिसत आहे. एकीकडे राकेश आणि दिपालीच्या मैत्रीत फूट पडलेली पाहायला मिळत आहे. तर दुसरीकडे सागर आणि प्रभू यांच्यात वाद झाला आहे. शो सुरू झाल्यापासून काळू डॉन म्हणजे प्रभूचा आवाज आता चढलेला पाहायला मिळत आहे. ज्यामुळे चाहते देखील थक्क झाले आहेत. घरातील सदस्य यांच्या दोघांचे भांडण मिटवण्याचा प्रयत्न करताना दिसत आहेत. यांच्यात नेमका वाद कशावरून होतो जाणून घेऊयात.

बिग बॉसच्या घरात सागर कारंडे आणि प्रभूमध्ये जोरदार भांडण झाले आहे. याचा व्हिडीओ समोर आला आहे. ज्यात प्रभू आणि सागर दोघांचाही आवाज वाढलेला पाहायला मिळत आहे. व्हिडीओत पाहायला मिळते की, सागर कारंडे म्हणतो, "ए प्रभू आवाज जास्त चढवू नकोस", त्यावर प्रभू त्याला म्हणतो, "काय बोलला?", त्यानंतर सागर कारंडे म्हणतो की, "कोणी काही बोलत नाही याचा अर्थ असा नाही होत की तू आता काहीही बोलशील कोणाला", त्यावर प्रभू म्हणतो, "मी बोललोच नाही काही..."

सागर कारंडे आणि प्रभूमध्ये किचन एरियात वाद होतो. या वादाची सुरुवात रुचितापासून होते. कारण सर्वात आधी प्रभू शेळके आणि रुचिता जामदार यांच्यात वाद सुरू होतो. प्रभू रुचिताची नक्कल करताना व्हिडीओत दिसत आहे. या व्हिडीओला हटके कॅप्शन दिले आहे. लिहिलं की, "घरातील वातावरण तापणार, डॉन आणि सागरमध्ये राडा होणार..." या व्हिडीओवर नेटकरी भरभरून कमेंट्स करताना दिसत आहेत.

बिग बॉसच्या घरातून या आठवड्यात बाहेर जाण्यासाठी आठ सदस्य नॉमिनेट झाले आहेत. ज्यात सोनाली राऊत, दिपाली सय्यद, विशाल कोटियन, प्रभू शेळके, प्राजक्ता शुक्रे, करण सोनावणे, ओमकार राऊत, रुचिता जामदार यांचा समावेश आहे. आता बिग बॉसच्या घरातून या आठवड्यात कोण बाहेर जाणार हे पाहणे महत्त्वाचे ठरणार आहे. तसेच भाऊच्या धक्क्यावर रितेश देशमुख सागर की प्रभू कोणाची बाजू घेणार हे पाहणे मनोरंजक ठरणार आहे. 'बिग बॉस मराठी ६' हा शो रात्री 8 वाजता 'कलर्स मराठी' आणि 'जिओहॉटस्टार'वर पाहायला मिळणार आहे.