'बिग बॉस मराठी 6'चा खेळ दिवसेंदिवस अधिक मजेशीर होत आहे. या भाऊच्या धक्क्यावर घरातील दोन सदस्य बाहेर गेले. आयुष्य संजीवसोबत करण सोनावणे देखील घराबाहेर पडतो. ज्यामुळे घरातील काही सदस्यांना मोठा धक्का बसतो. करणच्या घराबाहेर जाण्याने प्राजक्ता खूप रडते. अशात आता बिग बॉसचा नवीन प्रोमो समोर आला आहे. ज्यामुळे प्रेक्षकांना चांगलाच धक्का मिळणार आहे. आठवड्याच्या सुरुवातीलाच राखी सावंतला बिग बॉसने घराबाहेर काढले आहे. नेमकं घरात घडलं काय, जाणून घेऊयात.

बिग बॉसने शेअर केलेल्या व्हिडीओमध्ये तुम्ही पाहू शकता की, बिग बॉस जेव्हा राखीला घराबाहेर काढण्याचा निर्णय घेतात. तेव्हा राखीसोबत घरातील इतर सदस्यांना देखील मोठा धक्का बसतो. राखी घराबाहेर जाताना खूप रडते. बिग बॉसला विनंती करते की, मला घरी राहू दे. मात्र बिग बॉस राखीला हाताला धरून बाहेर काढतात. बिग बॉस राखीला confession रूमध्ये बोलवतात. व्हिडीओमध्ये राखी सावंत घरात कचरा करताना, इतर सदस्यांशी भांडताना दिसत आहे. त्यांच्यात नेमका संवाद काय घडतो पाहुया.

• बिग बॉस -राखी नाराज आहे...

• राखी सावंत - खरंच मनापासून सॉरी...

• बिग बॉस - आता बिग बॉस वाट लावणार...राखी confession रुममध्ये या...

• बिग बॉस - या घराची जी अवस्था आहे, त्यामुळे आता आपल्यावर ऍक्शन घेण्याचे ठरवले आहे...

• राखी सावंत - बिग बॉस मी काय केलंय?

• बिग बॉस - टीम राखीला आता बाहेर काढा...

• राखी सावंत - मला राहायचे आहे...

व्हिडीओला कॅप्शन दिलं की, "राखीचे वागणे बघून, बिग बॉसने घेतला कठोर निर्णय! " या व्हिडीओवर नेटकरी भरभरून कमेंट्स करत आहे. काही लोकांना राखीला घराबाहेर काढल्यामुळे आनंद झाला आहे. तर काहींना आता घरात ड्रामा पाहायला मिळणार नाही म्हणून दुःख होत आहे. आता खरंच बिग बॉसने राखीला घराबाहेर काढले की तिला अजून कोणती शिक्षा देणार, हे पाहणे महत्त्वाचे ठरणार आहे.  'बिग बॉस मराठी ६' हा शो रात्री 8 वाजता 'कलर्स मराठी' आणि 'जिओहॉटस्टार'वर पाहायला मिळणार आहे.