Apurva Nemlekar : 'व्हॅलेंटाइन डे'ला प्रसिद्ध अभिनेत्रीनं गुपचूप बांधली लग्नगाठ, नवरा आहे तरी कोण? पाहा PHOTOS

मनोरंजन सृष्टीतून आनंदाची बातमी समोर आली आहे. प्रसिद्ध टिव्ही अभिनेत्रीने लग्नगाठ बांधली आहे.'रात्रीचा खेळ चाले' या मालिकेत 'शेवंता'ची भूमिका करणारी अभिनेत्री अपूर्वा नेमळेकर विवाह बंधनात अडकली आहे. तिने सोशल मीडियावर पोस्ट करून चाहत्यांना हा सुखद धक्का दिला आहे. तिने आपल्या नवीन आयुष्याला सुरूवात केली आहे.

अपूर्वा नेमळेकरच्या नवऱ्याचे नाव तनुज गोवळकर असे आहे. आता अपूर्वा गोवळकरांची सून झाली आहे. तिने इन्स्टाग्रामवर लग्न सोहळ्याचे तीन फोटो शेअर केले आहे. या फोटोंमध्ये दोघांचा रोमँटिक अंदाज पाहायला मिळत आहे. या फोटोंना अपूर्वाने खूपच खास, भावनिक कॅप्शन लिहिलं आहे. ती खूपच खुश आहे. अपूर्वा आणि तनुज एका खास दिवशी लग्न केले आहे. अपूर्वा आणि तनुजचा विवाह 'व्हॅलेंटाईन्स डे'ला म्हणजेच 14 फेब्रुवारीला पार पडला. या सोहळ्याला तिचे कुटुंब आणि जवळचे मित्र मंडळी उपस्थित होते.

लग्नाचा लूक

अपूर्वाने लग्नासाठी खूपच भारी लूक केला होता. तिने हिरव्या रंगाची नऊवारी साडी नेसली होती, केसांचा बन, मराठमोळा साज श्रृंगार, हातात हिरवा चुडा आणि गळ्यात मंगळसूत्र अपूर्वा खूपच सुंदर दिसत होती. तर तनुजने पांढरा कुर्ता आणि हिरव्या रंगाचे धोतर नेसले होते. दोघांचा हा मराठमोळा पारंपरिक लूक खूपच सुंदर दिसत होता. अपूर्वा नेमळेकरचे हे दुसरं लग्न आहे.

वर्कफ्रंट

अपूर्वा नेमळेकरला 'रात्रीस खेळ चाले' मधून खूप लोकप्रियता मिळाली. तिने अनेक मराठी मालिकांमध्ये काम केले आहे. यात 'प्रेमाची गोष्ट', 'शुभविवाह', 'आभास हा' यांचा समावेश आहे. अपूर्वा नेमळेकर 'बिग बॉस मराठी सीझन 4' ची उपविजेता देखील ठरली होती. आता चाहते अपूर्वा नेमळेकरच्या आगामी प्रोजेक्टची उत्सुकतेने वाट पाहत आहेत.