बिग बॉसच्या घरात पहिल्याच आठवड्यात 9 सदस्य नॉमिनेट झाले आहे. त्यानंतर घरात कॅप्टन्सी टास्क रंगला आहे. यात सदस्यांमध्ये तुफान राडा होताना पाहायला मिळाला. विशाल आणि ओमकार एकमेकांना मारताना दिसत आहे. बिग बॉसच्या सुरुवातीलाच घरात शाररिक हिंसा पाहायला मिळत आहे. ज्यामुळे प्रेक्षकही चिडले आहेत. कॅप्टन्सी टास्क दरम्यान नेमकं काय होते, जाणून घेऊयात.

शॉर्टकट दार आणि मेहनतीचे दार प्रत्येक टास्कमध्ये एक वेगळी रंगत घेऊन येत आहे. शॉर्टकट दार ज्यांनी निवडे त्यांना पॉवर Key देण्यात आली. एकूण 6 सदस्यांना पॉवर Key मिळाली. पॉवर Key मिळालेल्या सदस्यांना जोडीने वर चेंबरमध्ये बोलावले. सोनाली-रुचिता, करण-प्राजक्ता, दिपाली-तन्वी अशा जोड्या बनवल्या. रुचिता आपली पॉवर Key गमवते. तिची पॉवर Key करण घेतो. त्यामुळे ती नॉमिनेट होते. दिपाली-तन्वीमध्ये तन्वी पहिला बझर वाजवून कॅप्टन पदाची उमेदवार बनते. त्यानंतर सोनाली उमेदवार बनते. तर करण-प्राजक्तामध्ये प्राजक्ता कॅप्टन पदाची दावेदार होते. आता तन्वी, सोनाली आणि प्राजक्ता यांच्यात कॅप्टन्सी टास्क रंगतो.

बिग बॉसच्या घरात 'BB फार्म' नावाचा कॅप्टन्सी टास्क होतो. या तन्वी, सोनाली आणि प्राजक्ता यांना त्याचे समर्थक टास्कमध्ये मदत करताना दिसले. मात्र टास्क दरम्यान विशाल आणि ओमकारमध्ये हाणामारी झाली. बिग बॉसने शेअर केलेल्या व्हिडीओमध्ये तुम्ही पाहू शकता की, विशाल ओमकारच्या हातातील वस्तू घेण्यासाठी त्याला ढकलतो. विशाल ओमकारचा गळा पकडतो. तेव्हा ओमकार गळा सोड असे ओरडताना दिसतो. त्यानंतर दोघे पुन्हा भांडू लागतात. दोघांमध्ये भांडणासोबतच शाररिक शक्तीचा वापर केल्याचे दिसून आले. घरातील इतर सदस्य भांडण सोडवताना दिसले.

नॉमिनेशच्या पतंग कापण्याच्या टास्कमध्ये एकूण नऊ सदस्य नॉमिनेट झाले आहेत. नॉमिनेट सदस्यांची यादी खालील प्रमाणे-

• दिपाली सय्यद

• करण सोनवणे

• रुचिता जामदार

• प्रभू शेळके

• अनुश्री माने

• सागर कारंडे

• दिव्या शिंदे

• रोशन भजनकर

• राधा पाटील

'बिग बॉस मराठी ६' हा शो रात्री 8 वाजता 'कलर्स मराठी' आणि ‘जिओहॉटस्टार’वर पाहायला मिळणार आहे. अद्याप कॅप्टन्सीच्या विजेत्याचे नाव समोर आले नाही. पहिलाचा भाऊचा धक्का प्रचंड गाजणार असल्याचे दिसत आहे. रितेश भाऊ आणि बिग बॉस विशाल आणि ओमकारला काय शिक्षा देणार हे पाहणे महत्त्वाचे ठरेल.