'झापुक झूपूक' चित्रपटाचा हिरो सूरच चव्हाण त्याच्या हटके अंदाजासाठी ओळखला जातो. 'झापुक झूपूक' चित्रपटाला बॉक्स ऑफिसवर इतक यश मिळाले नाही मात्र सूरजच्या अभिनयाचे सर्वांनी कौतुक केले. 'बिग बॉस मराठी 5'मुळे सूरज चव्हाण खूप लोकप्रिय झाला. तो बिग बॉसचा विजेता ठरला. त्याने केदार शिंदे यांच्यासोबत पहिला चित्रपट केला. त्यानंतर स्वतःच्या नवीन घरात प्रवेश केला आणि थाटामाटात बोहल्यावर चढला. बिग बॉसनंतर सूरजने कधी पाठी वळून पाहिले नाही. आता सूरजने आपले भविष्यातील प्लान सांगितले आहेत.

'बिग बॉस मराठी 5'नंतर सूरज चव्हाण कायम कोणत्या ना कोणत्या कारणामुळे चर्चेत असतो. नुकतीच त्याने एका मिडिया मुलाखतीत साऊथ इंडस्ट्रीत काम करायची इच्छा व्यक्त केली आहे. तसेच त्याने त्याचा आवडता साऊथ अभिनेता देखील सांगितला आहे. हॉट सीट टॉक्स या यूट्यूब चॅनलला दिलेल्या मुलाखतीत सूरज चव्हाण म्हणाला की, "मला साऊथ इंडस्ट्रीत काम करायचे आहे आणि ते मी नक्कीच करणार. मला दाक्षिणात्य इंडस्ट्री खूप आवडते. त्यांच्या चित्रपटातील अॅक्शन मला आवडते."

मुलाखतीत सूरज पुढे बोलला की, "मी साऊथ चित्रपटात अॅक्शन पाहतो आणि तशी अॅक्शन मी केली आहे. सूरज चव्हाण म्हणजे वादळ आहे..." आवडत्या अभिनेत्याबद्दल सूरज म्हणाला की, "मला अल्लू अर्जुन हा खूप आवडतो. माल त्याच्यासोबत काम कारायचे आहे. त्याचे चित्रपट वेगळे असतात. तो एकच चित्रपट करतो, पण भारी करतो. तसे माझे पण आहे. मी एकदाच काम करतो पण टॉपचे काम करतो. माझा लूक साऊथच्या लोकांसारखा आहे. सयाजी शिंदेंशी संपर्क झाला, त्यांच्याशी माझी ओळख झाली, तर मी साऊथ इंडस्ट्रीत नक्कीच जाईन..."

सूरज चव्हाणचे चाहते आता त्याच्या आगामी चित्रपटाची उत्सुकतेने वाट पाहत आहे. सूरज आता लवकरच साऊथ इंडस्ट्रीत झळकणार असल्याचे दिसत आहे. भविष्यात सूरज चव्हाण आणि अल्लू अर्जुन खरंच एकत्र काम करतील का? हे पाहणे महत्त्वाचे ठरणार आहे. सध्या सूरज चव्हाण सोशल मीडियावर भन्नाट रील शेअर करत आहे.