'बिग बॉस मराठी 5'चा विजेता सूरज चव्हाणने आपल्या नवीन घरात प्रवेश केला आहे. ज्याचा व्हिडीओ त्याने सोशल मीडियावर चाहत्यांसोबत शेअर केला आहे. बिग बॉसमुळे सूरज चव्हाणला (Suraj Chavan) खूप लोकप्रियता मिळाली. सर्वप्रथम सूरजचा 'झापुक झुपूक' ज्याला प्रेक्षकांनी चांगला प्रतिसाद दिला. त्यानंतर सूरजने आपल्या लग्नाची आनंदाची बातमी दिली आणि आता सूरज आपल्या नवीन घरात गेला आहे.

सूरजने शेअर केलेल्या व्हिडीओत त्याचे नवीन आलिशान घर पाहायला मिळत आहे. ज्याने सर्वांचे लक्ष वेधून घेतले आहे. एक रीलस्टारने कष्ट करून एवढे मोठे यश मिळवले आहेत. सूरज चव्हाण हा बारामती तालुक्यातील मोढवे गावातील रहिवासी आहे. बिग बॉसनंतर उपमुख्यमंत्री अजित पवार यांनी त्याला घर बांधून देणार असं म्हटलं होते. आता वर्षभरात नवीन बंगला तयार झाला आहे.

सूरजने या व्हिडीओला खूप खास कॅप्शन दिलं आहे. त्याने लिहिलं की, "आज केला माझ्या नवीन घराचा गृहप्रवेश..." सूरजच्या या व्हिडीओवर चाहत्यांनी कमेंट्सचा वर्षाव केला आहे, त्याचे भरभरून कौतुक केले आहे.

सूरजचे नवीन घर खूपच स्टायलिश आणि मॉडर्न आहे. घरात प्रशस्त खोल्या आहे. मॉड्यूलर किचन आहे. तसेच हिरवागार गार्डनर एरिया आहे. घराचे इंटिरियर लय भारी आहे.कलर कॉम्बिनेशन एकदम सुंदर आहे. हातात लक्ष्मी देवीचा फोटो घेऊन सूरजने गृहप्रवेश केला. घरात पूजा केली. यावेळी त्याच्या घरातील कुटुंबीय, गावकरी आणि लहान मुलं पाहायला मिळाली.

सूरज चव्हाण लग्न

अलिकडेच सूरज चव्हाणने आपल्या होणाऱ्या बायकोची ओळख करून दिली. सूरजच्या बायकोचे नाव संजना आहे. 29 नोव्हेंबरला सूरज लग्नबंधनात अडकणार आहे. सूरज मामाची मुलीसोबत लग्न करतोय. सूरज चव्हाणच्या लग्नाची चाहते उत्सुकतेने वाट पाहत आहेत.