बिग बॉसच्या घरात आपल्या चुलबुली स्वभावाने प्रेक्षकांचे मन जिंकणारी शहनाज गिलचा (Shehnaaz Gill) नुकताच नवीन चित्रपट रिलीज झाला आहे. बिग बॉसच्या घरात तिचा प्रामाणिक स्वभाव, स्पष्टवक्तेपणा आणि निरागसता लोकांना खूप आवडली. बिग बॉसमध्ये असताना तिचे आणि दिवंगत सिद्धार्थ शुक्लाचे प्रेम जुळले. त्यांचे नाते बिग बॉसच्या बाहेरही चांगले चालले. सिद्धार्थच्या निधनाने शहनाज गिलला मोठा धक्का बसला. मात्र स्वतःला सावरत तिने आता इंडस्ट्रीत मोठे नाव कमावले आहे.

नुकतेच 'इक कुडी' (Ikk Kudi) च्या प्रमोशन दरम्यान तिने लग्न या विषयावर आपले स्पष्ट मत मांडले. ती म्हणाली की, "आजच्या काळात लग्नाला गरज नाही. भविष्यात योग्य परिस्थिती निर्माण झाली तरी मी लग्नाचा विचार करेन" आयएएनएसशी बोलताना शहनाज म्हणाली, "लग्न महत्त्वाचे नाही. जर तुम्हाला ते करायचे नसेल तर ठीक आहे. लोक लग्न करतात. जरी मला आता वाटत असेल की, मी लग्न करणार नाही... तरी मी असे म्हणू शकत नाही की मी कधीच लग्न करणार नाही. कदाचित, मला ते उद्या करावे लागेल. मला स्वतःसाठी योग्य निर्णय घ्यावा लागेल."

पुढे शहनाज म्हणाली की, "लग्न म्हणजे फक्त दोन व्यक्तींचे नाही. तर दोन कुटुंबाचे नाते आहे. तुम्ही तुमच्या आईवडिलांचे घर सोडल्यानंतर एका मुलाला तुमचे संपूर्ण आयुष्य देता. तुम्ही त्याच्यासाठी सर्व काही करता. हा एक मोठा निर्णय आहे. तुमचा जोडीदार कोण असेल हे तुम्हाला माहिती नाही. म्हणून तुम्ही शहाणपणाने निर्णय घेतला पाहिजे. "

शहनाज गिलचा 'इक कुडी' चित्रपट 31 ऑक्टोबरला रिलीज झाला आहे. या चित्रपटातून शहनाज गिलने निर्माती क्षेत्रात पदार्पण केले आहे. 'इक कुडी' चे दिग्दर्शन अमरजीत सिंह सरोन यांनी केले आहे. या चित्रपटात जीवनसाथी शोधण्याचा प्रवास दाखवण्यात आला आहे. 'किसी का भाई किसी की जान', 'थँक्यू फॉर कमिंग', 'विक्की विद्या का वो वाला व्हिडिओ' या चित्रपटांमध्ये दिसली.