मनोरंजन विश्वातून आणखी एक दुःखद बातमी समोर आली आहे. 'बिग बॉस १९' फेम अभिनेत्री कुनिका सदानंदच्या आईचे निधन झाले आहे. आईच्या जाण्याने कुनिकाच्या कुटुंबावर दुःखाचा डोंगर कोसळला आहे. अभिनेत्रीने स्वतः सोशल मीडियावर पोस्ट शेअर करून याची माहिती चाहत्यांना दिली आहे.

मीडिया रिपोर्टनुसार, कुनिका सदानंदची आई कल्याणी सदानंद यांचे निधन ६ ऑक्टोबर २०२६ ला झाले. वयाच्या ८३ व्या वर्षी त्यांनी अखेरचा श्वास घेतला. अभिनेत्रीने आईसोबतचे जुने फोटो आणि व्हिडीओ शेअर केले आहे. अभिनेत्रीच्या पोस्टवर चाहते आणि कलाकार मंडळी कमेंट्स करून कल्याणी सदानंद यांना श्रद्धांजली वाहिली आहे. कुनिका सदानंदच्या आईवर गोव्यात अंत्यसंस्कार करण्यात आले.

अभिनेत्री कुनिका सदानंदची पोस्ट

"माझी आई, मी तुझ्यावर प्रेम करते तू मला दिलेल्या प्रत्येक गोष्टीबद्दल धन्यवाद! प्रेम, मार्गदर्शन, स्वप्न पाहण्याचा आत्मविश्वास आणि जगाची हिंमत, दिसणे, व्यक्तिमत्व, आयुष्य मला जे काही देते ते सहन करण्याची शक्ती तू मला दिली. माझ्या प्रिय सम्राज्ञी श्रीमती कल्याणी सदानंद, तुम्ही कायम आपल्या लोकांच्या हृदयात सदैव जिवंत राहाल.मित्र आणि कुटुंबीय तुम्हाला या मजेदार प्रेमळ आनंदी मैत्रीपूर्ण व्यक्ती म्हणून लक्षात ठेवतील, ज्यांच्यासोबत वेळ घालवल्यावर चांगले आणि मोकळे वाटायचे. तुझी भावंडे आणि प्रियजन यांच्याशी पुन्हा एकत्र आल्याचा तुला नक्कीच आनंद होत असेल. आई, तू शांततेत विसाव; पत्नी, आई, बहीण, आजी आणि आयुष्यातील इतर सर्वच नात्यांमधील तुझ्या जबाबदाऱ्या तू अत्यंत प्रेम आणि काळजीपूर्वक पार पाडल्यास..."

कुनिका सदानंदचा बिग बॉसमध्ये सहभाग

सलमान खान होस्ट करत असलेल्या 'बिग बॉस १९' चा अभिनेत्री कुनिका सदानंद भाग राहिल्या आहेत. त्यांनी आपल्या अभिनयाने अनेक चित्रपट गाजवले आहेत. बिग बॉसच्या घरात त्यांची खिलाडी वृत्तीने प्रेक्षकांचे मन जिंकले आहे. चाहते आता अभिनेत्रीच्या आगामी प्रोजेक्टची आतुरतेने वाट पाहत आहेत.