मनोरंजन विश्वातून आणखी एक दुःखद बातमी समोर आली आहे. प्रसिद्ध अभिनेत्याचे अचानक निधन झाले. 'ब्रेकिंग बॅड' या गाजलेल्या टिव्हीच्या मालिकेत वॉल्टर व्हाईट ज्युनियर उर्फ फ्लिनची भूमिका साकारणारा अभिनेता आर. जे. मिटे (RJ Mitte) याचे निधन झाले आहे. अभिनेत्याच्या निधनाने मनोरंजन विश्वावर शोककळा पसरली आहे. तसेच त्यांच्या कुटुंबावर दुःखाचा डोंगर कोसळलाय.

टीएमझेडच्या वृत्तानुसार, काउंटी अधिकाऱ्यांनी सोमवारी टेक्सासमध्ये अभिनेत्याचे निधन झाल्याची पुष्टी केली आहे. त्यांच्या मृत्यूची आत्महत्या म्हणून चौकशी केली जात असून, तपास सुरू असल्याची पुष्टी कायद्याची अंमलबजावणी करणाऱ्या अधिकाऱ्यांनी केली आहे. अभिनेता आर. जे. मिटे याने वयाच्या ३४ व्या वर्षी अखेरचा श्वास घेतला.

मीडिया रिपोर्टनुसार, आर. जे. मिटे एएमसीच्या पुरस्कार विजेत्या 'ब्रेकिंग बॅड' या मालिकेच्या ५६ भागांमध्ये दिसला.अलिकडेच आर. जे. मिटे 'द जो वल्पिस पॉडकास्ट'वर दिसला, जिथे त्याने 'ब्रेकिंग बॅड'ने त्याचे आयुष्य कसे बदलले याबद्दल सांगितले आणि मालिकेचा शेवट होऊन अनेक वर्षे उलटल्यानंतरही सहकलाकारांसोबतच्या त्याच्या नात्यावर चर्चा केली.अभिनेता 'द ओक रूम', 'द रिकॉल' आणि 'द गार्डियन्स ऑफ जस्टिस (विल सेव्ह यू!)' यांसारख्या प्रोजेक्टसाठीही ओळखला जातो.

अभिनेता आर. जे. मिटे अभिनयापलीकडे, 'युनायटेड सेरेब्रल पाल्सी' आणि 'श्राइनर्स चिल्ड्रन्स'साठी सदिच्छादूत म्हणून काम केले. त्यांनी 'द मिटे फाऊंडेशन'चे अध्यक्ष म्हणूनही काम केले. अभिनेत्याच्या निधनाची बातमी समजताच चाहत्यांनी आणि कलाकारांनी सोशल मीडियाच्या माध्यमातून अभिनेत्यावर श्रद्धांजली वाहिली आहे.