Barack Obama : नवीन वर्ष सुरु होण्यासाठी अवघ्या 10 दिवस बाकी आहेत. दरवर्षीप्रमाणे यंदाही अमेरिकेचे माजी राष्ट्राध्यक्ष बराक ओबामा यांनी त्यांच्या आवडत्या चित्रपटांची यादी जाहीर केली आहे. बराक ओबामा जगभरातील अनेक चित्रपट पाहतात आणि नंतर लोकांना ते पाहण्याचा सल्ला देतात. यावेळी ही यादी भारतासाठी खूप खास आहे, कारण यावेळी पायल कपाडियाच्या दिग्दर्शित 'ऑल वी इमॅजिन इज लाइट' या चित्रपटाचे नावही त्यांच्या यादीत सामील आहे.

'ऑल वी इमॅजिन ॲज लाईट' या चित्रपटाला आंतरराष्ट्रीय स्तरावर खूप प्रशंसा मिळाली आहे. आता बराक ओबामा यांच्या आवडत्या चित्रपटांच्या यादीतही त्याचा समावेश झाला आहे. हा चित्रपट मे २०२४ मध्ये कान्स फिल्म फेस्टिव्हलमध्ये प्रदर्शित करण्यात आला होता. इतकेच नाही तर या चित्रपटाला कान्सचा दुसरा सर्वात मोठा पुरस्कार 'ग्रँड प्रिक्स' देखील मिळाला आहे. हा पुरस्कार जवळपास 70 वर्षात पहिल्यांदाच एका भारतीय चित्रपटाला मिळाला आहे.

कोणत्या चित्रपटांची नावे समाविष्ट आहेत?

बराक ओबामा यांनी त्यांच्या अधिकृत सोशल मीडिया हँडलवरून चित्रपटांची यादी शेअर केली आहे. या पोस्टसह त्याने लिहिले, “येथे काही चित्रपट आहेत जे मी या वर्षी पाहण्याची शिफारस करेन.” असे लिहिले होते. त्यांनी एकूण १० चित्रपटांची नावे सांगितली आहेत, त्यापैकी फक्त एक भारतीय चित्रपट 'ऑल वी इमॅजिन इज लाइट' आहे. 'कॉनक्लेव्ह', 'द पियानो लेसन', 'द प्रॉमिस्ड लँड', 'द सीड ऑफ द सेक्रेड फिग', 'डून: पार्ट टू', 'एनोरा', 'दीदी', 'शुगरकेन', 'अ कम्प्लिट अननोन'.

गोल्डन ग्लोबसाठीही नामांकन मिळाले

नुकतेच या चित्रपटाला गोल्डन ग्लोब पुरस्कारांसाठीही नामांकन मिळाले आहे. या चित्रपटाला सर्वोत्कृष्ट मोशन पिक्चर्स (नॉन-इंग्रजी भाषा) श्रेणीत नामांकन मिळाले आहे. याशिवाय पायल कपाडियालाही या चित्रपटासाठी सर्वोत्कृष्ट दिग्दर्शक म्हणून नामांकन मिळाले आहे. ‘ऑल वी इमॅजिन इज लाइट’ ची निर्मिती थॉमस हकीम आणि ज्युलियन ग्राफ यांनी केली आहे. त्यांनी त्यांच्या फ्रेंच कंपनीच्या बॅनरखाली या चित्रपटाची निर्मिती केली होती. या चित्रपटाचे सर्वत्र कौतुक होत आहे.