Shocking : लष्करातील एका जवानावर अल्पवयीन मुलीचा विनयभंग केल्याचा आरोप करण्यात आला आहे. या प्रकरणी लष्करी जवानाला अटक करण्यात आल्याची माहिती समोर आली आहे. पीडित मुलीच्या आईने सोशल मीडियावर या बाबत लाईव्ह स्ट्रीमिंग केल्यानंतर हे प्रकरण उघडकीस आले. ही घटना उत्तराखंडमधील चमोली येथे घडली आहे.

मिळालेल्या माहितीनुसार, उत्तराखंडमधील चमोली जिल्ह्यातील थरली हा धक्कादायक प्रकार घडला आहे.लष्कराच्या सीएसडी कॅन्टीनमध्ये तैनात असलेल्या एका जवानाने अल्पवयीन मुलीचा विनयभंग केला. पीडितेच्या आईने केलेल्या तक्रारीनुसार, रविवारी (५ ऑक्टोबर) संध्याकाळी पीडिता तिच्या पाळीव कुत्र्याला फिरवण्यासाठी बाहेर गेली होती तेव्हा ही घटना घडली.

अल्पवयीन मुलगी तिच्या कुत्र्याला फिरवण्यासाठी गेली होती. तेव्हा आरोपी जवानाने बंद असलेल्या कॅन्टीनचे कुलूप उघडले, त्याने मुलीला आत बोलावले आणि तिचा विनयभंग केला. घाबरलेली मुलगी जेव्हा घरी परतली, तेव्हा तिने तिच्या आईला कॅन्टीनमध्ये घडलेला संपूर्ण प्रकार सांगितला. या घटनेमुळे आसपासच्या परिसरात मोठी खळबळ उडाली आहे.

पीडित मुलीच्या कुटुंबियांनी तात्काळ थरली एसडीम आणि स्थानिक पोलीस ठाण्यात लष्करातील जवानाच्या विरोधात तक्रार दाखल केली. त्यांनी पोलिसांना घडलेला प्रकारही सांगितला. जवानाच्या विरुद्ध गुन्हा दाखल करण्यात आला आहे. त्याला अटकही करण्यात आली आहे, असे पोलीस स्टेशनचे प्रभारी पंकज कुमार यांनी सांगितले.