पुण्यातून एक खळबळजनक बातमी समोर आली आहे. पुण्यातील इंडिगो एअरलाइनची २० विमाने बॉम्बने उडवून देण्याची धमकी देण्यात आली आहे. काल देखील अशीच धमकी देण्यात आली होती. त्यानंतर आज सलग दुसऱ्या दिवशी देखील बॉम्बने उडवून देण्याची धमकी देण्यात आली आहे. या धमक्यांमुळे प्रवाशांच्या मनात भीती निर्माण झाली आहे.

मिळालेल्या अधिक माहितीनुसार, ई-मेलवरून अज्ञाताने ही धमकी दिली आहे. सलग दुसऱ्या दिवशी पुणे एअरपोर्टवरील विमानांना उडून देण्याची धमकी आली आहे. काल ११ विमानांना धमकी दिली होती. त्यात आज पुन्हा २० विमानांमध्ये ब्लास्ट करणार अशी धमकी देण्यात आली आहे.

इंडिगो कंपनीसह इतर कंपन्यांना धमकी मिळत असल्याने हवाई वाहतूक करणाऱ्या विमान कंपन्यांचं ६०० कोटी रुपयांचं नुकसान झालं आहे. प्रवासी विमानांना धमकी येण्याचे सत्र थांबत नसल्याने प्रवाशांमध्ये भीतीच वातावरण वाढतच आहे. विमाने उडून देण्याची धमकी देणाऱ्या अज्ञाता विरोधात विमानतळ पोलिसात गुन्हा दाखल करण्यात आला आहे.

कोर्टाच्या आवारात फुटला ग्रेनेड बॉम्ब

काल जम्मू-काश्मीरच्या बारामूला या भागात देखील एक धक्कादायक घटना घडली. बारामूला येथे एका ग्रेनेड बॉम्बचा स्फोट झाला. हा स्फोट मलखाना कोर्ट परिसरात झाला होता. या घटनेत एक पोलीस कर्मचारी जखमी झाल्याची माहिती मिळाली आहे. ग्रेनेड बॉम्ब चुकून फुटल्याचं बोललं जात आहे. या घटनेत कोणतीही जीवितहानी झालेली नाही.