पुण्यात सलग चौथ्या दिवशी महिलेवर लैंगिक अत्याचार झाल्याची घटना घडली. पुण्यातील वारजे माळवाडी परिसरात ही धक्कादायक घटना घडल्याचं उघडकीस आलंय. पन्नास वर्षीय नराधमाने छत्तीस वर्षे महिलेवर घरात घुसून लैंगिक अत्याचाराचा प्रयत्न केलाय. याप्रकरणी वारजे पोलीस ठाण्यात गुन्हा दाखल करण्यात आलाय. आपण या घटनेबद्दल सविस्तर जाणून घेवू या.
वारजे माळवाडी परिसरामध्ये एका सोसायटीतील ३६ वर्षे महिला आपल्या घरात भांडी घासत (Physically assaulted woman Case) होती. त्यावेळी पन्नास वर्षीय आरोपीने घरात घुसून आई कुठे आहे? आई कुठे आहे? असा आवाज देत पीडित महिलेला खाली पाडत तिच्यावर लैंगिक अत्याचार करण्याचा प्रयत्न केला. आरोपीच्या या कृत्यामुळे पीडित महिला अत्यंत घाबरली होती. घाबरलेल्या पिडीतेने आरोपीच्या तावडीतून कशीबशी सुटका घेतली.
आरोपीच्या तावडीतून सुटल्यानंतर पिडीत महिलेने थेट पोलीस ठाण्यात धाव घेतली. याप्रकरणी वारजे पोलीस ठाण्यामध्ये तक्रार दाखल करण्यात आलीय. मागील काही दिवसांपासून पुणे शहरात महिलांवरील अत्याचाराच्या घटनांमध्ये वाढ (Pune Crime News) झालीय. आज सलग चौथ्या दिवशी महिलेवर अत्याचार झाल्याची घटना समोर आलीय. त्यामुळे शहरातील कायदा आणि सुव्यवस्था यांवर प्रश्नचिन्ह उपस्थित होत आहे.
बोपदेव घाटात तरूणीवर सामूहिक अत्याचार, तर वानवडी येथे शाळेतील दोन लहान मुलींवर लैंगिक अत्याचार (Crime News), कोंढवा परिसरात एका चिमुकल्यावर अनैसर्गिक अत्याचार अशा घटना मागील काही दिवसांत (Pune News) घडलेल्या आहेत. या संतापजनक घटनांचे तीव्र पडसाद पुण्यात उमटताना दिसत आहेत. या घटनांमुळे महिला आणि मुलींमध्ये भीतीचं वातावरण आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.