- अजय सोनवणे

नाशिकच्या सटाणा तालूक्यातील अंबासन परिसरात शेतात काढून ठेवलेल्या कांद्यावर अज्ञात चोरट्यांनी डल्ला मारला. या चाेरट्यांनी सुमारे ४० ते ४५ क्विंटल कांदा चोरुन नेला आहे. प्राथमिक अंदाजानूसार या कांद्याची किंमत सुमारे 1 लाख रुपयांपर्यंत आहे. (Maharashtra News)

मालेगाव-नामपूर रस्त्यावर देवीदास कोर या शेतक-याने पाच एकर शेतात कांदा लागवड केली होती. त्यासाठी त्याला जवळपास १ लाख ३५ हजाराचा खर्च झाला होता. कांदा काढून शेतात शिरोळ्या करुन ठेवलेल्या होत्या.

कांदा विक्रीसाठी कोर यांनी काही कांदा ट्रॉली मध्ये भरुन ठेवला होता. पावसाचे वातावरण असल्याने ते कांदा झाकण्यासाठी पुन्हा शेतात आले असता कांदा चोरी झाल्याचे त्यांच्या लक्षात आले. या प्रकरणी जायखेडा पोलिसांत कांदा चोरीची तक्रार काेर यांनी दिली. पाेलिस तपास करीत आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)