पराग ढोबळे, नागपूर

नागपूरमधील वाठोडा पोलिसांनी दोन दरोडेखोरांना अटक केली होती.त्यांच्याकडून तीन लाख 81 हजार रुपयांचा मुद्देमाल जप्त केला.राजकिशोर भोसकर आणि मकसूद अहमद अशी आरोपींची नावं आहेत. या दोघांना चार ठिकाणी दरोडा टाकल्याची कबुली दिली आहे.

वाठोडा पोलीसांच्या हद्दीत फिर्यादी कीर्ती द्वीवेदी कामा निमित्त घराबाहेर गेले होत्या.. हीच संधी साधत चोरटे कुलुप तोडून घरात शिरले. घरातील कपाट तोडलं आणि सोने-चांदीचे दागिने तसंच रोख रक्कम मुद्देमाल घेऊन पसार झाले. या प्रकरणात पोलिसांनी गुन्हा दाखल करत तपास सुरू केला होता. पोलीस चोरट्यांच्या मागावर होते. याच प्रकरणात दोघा संशयितांना पोलिसांनी ताब्यात घेतलं. सुरुवातीला काही माहिती दिली नाही, मात्र पोलिसी खाक्या दाखवल्यानंतर त्यांनी गुन्ह्याची कबुली दिली.

त्याची विचारपूस केली असता त्यांनी गुन्ह्याची कबुली दिली. यामध्ये एक घरफोडीची आणि दोन दुचाकी चोरीची कबुली दिली. दोघेही रेकॉर्डवरील गुन्हेगार असून 4 गुन्हे उघडकीस आले. यात सोने, चांदीचे दागिणे आणि दोन मोटरसायकल एकूण तीन लाख 81 हजाराचा मुद्देमाल जप्त करण्यात आला.