Crime : पतीला फसवण्यासाठी एका महिलेने तिच्या सहा वर्षांच्या चिमुकलीची गळा दाबून हत्या केली. या हत्येमध्ये महिलेच्या प्रियकराने महिलेची साथ दिली. मुलीची हत्या केल्यानंतर आरोपी महिला आणि तिच्या प्रियकरांनी मुलीच्या मृतदेहासमोर पार्टी केली. चौकशीदरम्यान प्रियकरांनी हत्येची कबुली दिली आणि महिलेची पोलखोल झाली. ही घटना लखनऊमध्ये घडली आहे.

मिळालेल्या माहितीनुसार, रोशनी खान या महिलेने १४ जुलै रोजी पहाटे ३ च्या सुमारास पोलिसांनी फोन केला. माझ्या पतीने, शाहरुखने माझ्या सहा वर्षांच्या मुलीची हत्या केल्याचा आरोप रोशनीने केला. त्यानंतर पोलीस आणि फॉरेन्सिक टीम घटनास्थळी पोहोचली. रोशनीच्या तक्रारीवरुन शाहरुखविरुद्ध हत्येचा गुन्हा दाखल करण्यात आला.

मृतदेहाची स्थिती पाहून पोलिसांना संशय आला. मृतदेह ज्या खोलीत होता, तेथे तीव्र दुर्गंध येत होता; तसेच मृतदेहात कीटकांचा प्रादुर्भाव झाला होता. हत्येला बराच कालावधी उलटल्याचे स्पष्ट झाले. शवविच्छेदन अहवालात मुलीची हत्या ३६ तासांपूर्वी झाल्याचे म्हटले होते. रोशनी आणि तिची मुलगी तिच्या प्रियकरासोबत उदीतसोबत राहत होती. शाहरुख मुलीला भेटण्यासाठी आला होता. आमच्यात जोरदार वाद झाला आणि त्याने मुलीची हत्या केल्याचा आरोप रोशनीने केला होता. पण शवविच्छेदन अहवालामुळे रोशनीच्या जबाबात विसंगती आढळली.

त्यानंतर पोलिसांनी रोशनी आणि उदीत यांनी पोलीस ठाण्यात आणले. रोशनी पोलिसांना दिशाभूल करत असताना चौकशीदरम्यान उदित रडू लागले. रोशनीनेच तिच्या मुलीची हत्या केल्याचे उदितने कबुल केले. आम्ही हत्येनंतर पार्टी केल्याचे उदितने पोलिसांना सांगितले. नवऱ्याला फसवण्यासाठी मुलीची हत्या केल्याचे रोशनीने कबुल केले. त्यानंतर पोलिसांनी दोघांनाही ताब्यात घेत कारवाईला सुरुवात केली. रोशनीने यापूर्वीही तिच्या सासरच्या लोकांवर गंभीर आरोप केले होते. सासरच्या मंडळींना तुरुंगात पाठवण्यासाठी त्यांच्यावर आरोप केले होते.