त्रिपुरामध्ये १४ महिन्यांच्या चिमुकलीवर बलात्कार करून तिची हत्या करण्यात आल्याची धक्कादायक घटना समोर आली आहे. त्रिपुरामध्ये शनिवारी ही भयंकर घटना घडली. या घटनेने संपूर्ण देश हादरला. आरोपीने आधी चिमुकलीवर बलात्कार केला. नंतर हत्या करून तिचा मृतदेह जमिनीमध्ये पुरला. आरोपी मृत चिमुकलीचा आजोबा आहे. याप्रकरणी पोलिसांनी आरोपीविरोधात गुन्हा दाखल करत त्याला अटक केली.

मिळालेल्या माहितीनुसार, त्रिपुरामध्ये ४४ वर्षीय आजोबाने आपल्या १४ महिन्यांच्या नातीवर बलात्कार केला. बलात्कारानंतर चिमुकलीची हत्या करून तिचा मृतदेह शेतामध्ये पूरला. आरोपीचे नाव जयनल उद्दीन (४४ वर्षे) आहे. रविवारी त्रिपुरा पोलिसांच्या एका टीमने आसामच्या श्रीभूमी परिसरातील नीलम बाजारमधून त्याला अटक केली.

ही घटना शनिवारी रात्री तेव्हा घडली जेव्हा चिमुकली आपल्या आईसोबत मामाच्या घरी गेली होती. शनिवारी रात्री साडेआठ वाजता चिमुकलीला तिचा आजोबा सोबत घेऊन घेऊन गेला. बराच वेळ दोघेही परत घरी आले नाही त्यामुळे घरात एकच गोंधळ उडाला. मुलगी सापडत नसल्यामुळे तिच्या कुटुंबीयांनी पोलिस ठाण्यात धाव घेतली. पोलिसांनी मुलीचा शोध सुरू केला. पोलिसांनी रात्री उशिरा मुलीच्या आजोबाच्या घराजवळील शेतात नव्याने खड्डा खोदून तो बुझवल्याचे दिसून आले. त्यांनी ती जागा खोदून काढली तर त्यामध्ये चिमुकलीचा मृतदेह आढळून आले. यावेळी सर्वांना मोठा धक्का बसला.

मुलीचा मृतदेह पोलिसांनी ताब्यात घेऊन शवविच्छेदनासाठी रुग्णालयामध्ये पाठवून दिला. शवविच्छेदन अहवालातून मुलीवर बलात्कार झाल्याची धक्कादायक माहिती समोर आली. पोलिसांनी तपासाला गती आणली आणि तात्काळ आरोपीचा शोध घेण्यास सुरूवात केली. आरोपीला नीलम बाजार येथून अटक करण्यात आली. आरोपीला कठोरात कठोर शिक्षा व्हावी अशी मागणी केली जात आहे.