अक्षय बडवे साम टीव्ही, पुणे

Pune Crime News

पुणे शहरात (Pune) अलेक्झांड्रिन पोपटांची बेकायदेशीर विक्री होत असल्याचं उघडकीस आलं आहे. याप्रकरणी वन विभागाने सापळा रचून तिघांना अटक केली आहे. अटक केलेल्या व्यक्तींच्या ताब्यातून दोन पोपट जप्त करण्यात आले आहेत. पुण्यातील औंध येथील लोहिया आयटी पार्कजवळ ही कारवाई करण्यात आली.  (Latest Crime News)

वन विभागाने रविवारी (31 मार्च) ही कारवाई केली आहे. पियुष पासलकर, यश कानगुडे आणि सौरव झोरे असे गुन्हा दाखल केलेल्या संशयितांची नावे आहेत. वन विभागाला अलेक्झांड्रिन पोपटांची बेकायदेशीर विक्री होत (Illegally Selling Alexandrine Parrots) असल्याची माहिती मिळाली होती. त्यानुसार ही कारवाई करण्यात आल्याची माहिती मिळतेय,

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

वन अधिकाऱ्यांना औंध परिसरात तीन तरुण अलेक्झांड्रिन पोपटांची विक्री करण्यासाठी येणार असल्याची माहिती मिळाली होती. मिळालेल्या माहितीनुसार त्यांनी आरोपींना पकडण्यासाठी योजना (Pune Crime) आखली. योजनेनुसार बनावट ग्राहक बनून सापळा रचण्यात आला. बेकायदेशीररीत्या पोपटांची विक्री करताना या तिघांना अटक करण्यात आली.

अलेक्झांड्रिन पोपट कुठे सापडले जातात

अलेक्झांड्रिन पोपट हा राजस्थान, जम्मू-काश्मीरसह डोंगराळ प्रदेश आढळतो. या पोपटाला ‘पहाडी’ पोपट म्हणूनही ओळखलं जातं. वन्यजीव संरक्षण अधिनियम अंतर्गत परिशिष्ट दोन नुसार देशी पोपट (crime news) बाळगणे, विक्री करणे, शिकार करणे हा गुन्हा आहे. याच गुन्ह्याखाली या तिघांना अटक करण्यात आली आहे.

अलेक्झांड्रिन पोपट हा हुबेहुब नक्कल करण्यासाठी ओळखला जातो. पोपट त्याच्या मैत्रीपूर्ण व्यक्तिमत्त्वामुळे आणि सामाजिक वर्तनामुळे पाळीव प्राणी म्हणून पाळण्यासाठी प्रसिद्ध आहे. या पोपटाची प्रत्येक शब्द शिकण्याची जलद क्षमता (Alexandrine Parrots) आहे. त्यामुळे त्यांना बोलणं शिकवण्यात जास्त वेळ घालवण्याची गरज येत नाही. दररोज जास्तीत जास्त दहा ते पंधरा मिनिटे संभाषण केल्यानंतर लगेच हा पक्षी बोलण्यात तरबेज होतो. त्यामुळे त्याला जास्त पसंती दिली जाते.