Bihar 8th Standerd Girl Gang Rape And Murder Purnia बिहारमध्ये ८ वीत शिकणाऱ्या मुलीवर बलात्कार करून तिची हत्या केल्याची धक्कादायक घटना समोर आली आहे. धक्कादायक म्हणजे तिचा मृतदेह बांबूच्या झाडाला लटकलेल्या अवस्थेत आढळला. घटनेनंतर आरोपीने घटनास्थळावरुन पळ काढला असून पोलीस तपास सुरु आहे. या घटनेने परिसरात भीतीचे वातावरण निर्माण झाले आहे. मुलीच्या मृत्यूनंतर तिच्या कुटुंबियांवर दुःखाचा डोंगर कोसळला आहे.

मिळालेल्या माहितीनुसार, सदर घटना बिहारमधील पूर्णिया येथे घडली आहे. पीडित मुलीच्या घरी होळीच्या दिवशी जय्यत तयारी सुरु होती. तिने त्याच्यासाठी किराणा सामानाची यादी देखील तयारी केली. यादरम्यान तिच्या आईने तिला चहा बनवण्यासाठी सांगितला, मात्र मुलीने आईला मी बाहेर जाते परत येईन असं सांगितलं. परंतु संध्याकाळ झाली तरी मुलगी घरी परतली नाही.

कुटुंबीयांनी देखील तिचा शोध घेतला मात्र ती कुठेच सापडली नाही. त्यानंतर कुटुंबीयांनी मुलीचा मोबाईल तपासला. तिच्या फोनवर शेवटचा कॉल आलेल्या मुलाच्या नंबरवर संपर्क साधला. मात्र तो बंद लागला, म्हणून मुलीच्या कुटुंबीयांनी त्याच्या घरी धाव घेतली. यावेळेस पीडित मुलीच्या वर्गात शिकणारा मुलगा घरात होता. मुलीच्या आई वडिलांनी त्याच्याकडे चौकशी केली मात्र त्याने काहीच सांगितलं.

थोडा दबाव टाकल्यावर मुलाने सांगितले की तो मृत मुलीशी दोन वर्षांपासून प्रेमसंबंधात होता. घटनेच्या दिवशी तो त्याच्या मित्रांसोबत एका मक्याच्या शेतात दारू पित होता. त्याचवळी त्याने मुलीला मक्याच्या शेतात बोलावले. ती येताच तो तिच्यासोबत झुडुपाकडे गेला, पण थोड्याच वेळात त्याचे मित्रही तिथे पोचले. त्यांनी तिला धमकावले आणि तिच्यावर सामूहिक बलात्कार केला. पीडितेने तिथून पळ काढताना आरोपींना तिच्या कुटुंबाला सांगण्याची धमकी दिली.

मुलांनी घाबरून तिचा स्कार्फ आणि हातांनी गळा दाबून हत्या केली. हत्येनंतर, त्यांनी तिचा मृतदेह जवळच्या बांबूच्या झुडुपात लटकवला जेणेकरून ती आत्महत्या आहे असे भासेल.गावकऱ्यांनी आरोपी आरोपीला एका घरात बंद केले आणि पोलिसांना माहिती दिली. परंतु आरोपी मुलगा बंद घरात शिडी वापरून पळून जाण्यात यशस्वी झाला.पोलीस आरोपीचा शोध घेत असून या घटनेनंतर परिसरात खळबळ उडाली आहे.