आदर्श तलाठी पुरस्कार प्राप्त तलाठ्याला 10 हजार रुपयांची लाच घेताना सांगलीच्या कडेगाव येथे रंगेहात पकडण्यात आले आहे. वैभव तारळेकर असे तलाठ्याचे नाव असून तो कडेगाव तालुक्यातील तडसर येथे कार्यरत होता.

शेत जमिनीची नोंद घालून सातबारा उतारा देण्यासाठी शेतकऱ्याकडे तलाठी तारळेकर याने 10 हजार रुपयांची लाच मागितली होती. ही लाच घेताना तारळेकर याच्या घराजवळच एसीबीने त्याला रंगेहात पकडले.

शासनाने वैभव तराळेकर यास 2024 मध्ये आदर्श तलाठी पुरस्काराने सन्मानित केले होते. त्याचबरोबर कडेगाव तालुका तलाठी संघटनेचे अध्यक्ष पदाची धूरा सांभाळात आहेत. आदर्श तलाठ्याने लाच घेतल्याच्या या प्रकारामुळे सांगलीत एकच खळबळ उडाली आहे.

Edited By : Siddharth Latkar