कोळसा खाणीच्या अधिकाऱ्यांना मारहाण, शिवीगाळ केल्या प्रकरणी काॅंग्रेस खासदार प्रतिभा धानोरकर यांचे बंधू प्रवीण काकडे यांच्यासह निलेश भालेराव व आठ ते नऊ जणांवर चंद्रपूर येथील भद्रावती पोलिस ठाण्यात गुन्हा नाेंद झाला आहे. पाेलिस घटनेचा अधिक तपास करीत आहेत.
खासदार प्रतिभा धानोरकर यांच्या समोरच बुधवारी त्यांच्या कार्यकर्त्यांनी खासगी कोळसा खाणीच्या अधिकाऱ्यांना शिवीगाळ करून मारहाण केली होती. विशेष म्हणजे शिवीगाळ करण्यात खासदार धानोरकर यांचे बंधू प्रवीण काकडे हे आघाडीवर असल्याचे दिसून आले. त्यावेळी कार्यकर्ते देखील आक्रमक झाले हाेते. पाेलिसांनी वेळीच हस्तक्षेप करीत अधिका-यांना सरंक्षण दिली. या घटनेची तक्रार केपीसीएल कंपनीने भद्रावती पोलिस ठाण्यात केली.
पाेलिसांनी खासदार धानाेरकर यांचे बंधू प्रवीण काकडे, कार्यकर्ते निलेश भालेराव यांच्यासह आठ ते नऊ जणांवर गुन्हा दाखल केला. दरम्यान या घटनेमुळे खासदार धानोरकर यांच्या प्रतिमेला मोठा धक्का पोचला आहे.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
