अक्षय शिंदे पाटील, जालना प्रतिनिधी, साम टीव्ही मराठी

Jalna crime news today : जालना शहरातील नूतन वसाहत भागात असलेल्या घाटी रुग्णालय परिसरात आज रात्री साडेनऊ वाजेच्या सुमारास गोळीबार झाल्याची घटना समोर आली, दुचाकी वर आलेल्या दोन ते तीन जणांनी गोळीबार केला असून यामध्ये डोक्यात गोळी लागल्याने एका 28 वर्षीय तरुणाचा मृत्यू झाला,चरण रायमलू असं या गोळीबार मध्ये मृत्यू झालेल्या तरुणाचं नाव असून घटनास्थळी जाऊन पोलिसांनी सदरील घटनेचा पंचनामा करत तपासाला सुरुवात केली,जुन्या वादातून ही गोळीबाराची घटना घडली असल्याची प्राथमिक माहिती समोर आली असून आरोपी फरार आहे.दरम्यान या प्रकरणी पोलीस अधिक तपास करत आहे.

जालना शहर गोळीबार आणि हादरलं

जालन्यात मध्यवस्तीत गोळीबाराची धक्कादायक घटना घडली आहे. शहरातील नूतन वसाहत परिसरातील घाटी रोडवर ही घटना घडली. दुचाकीवरून आलेल्या 2 ते 3 जणांनी एका युवकावर गोळ्या झाडल्या. या गोळीबारात चरण रायमल्लू या युवकाचा मृत्यू झाला आहे.दुचाकीवर आलेल्या 2 ते 3 आरोपींनी त्याच्यावर 2 ते 3 गोळ्या झाडल्या.

आरोपींच्या शोधासाठी पोलिसांची पथके रवाना

जालना शहरातील गर्दीच्या ठिकाणी झालेल्या गोळीबाराच्या घटनेमुळे परिसरामध्ये खळबळ उडाली आहे. आरोपींच्या शोधासाठी पोलिसांची पथके रवाना करण्यात आली असून या प्रकरणाचा अधिक तपास सुरू आहे. मध्यवस्तीत घडलेल्या या गोळीबाराच्या घटनेमुळे परिसरात एकच खळबळ उडाली आहे. ही घटना नेमकी कोणत्या कारणामुळे घडली, याबाबत अद्याप स्पष्ट माहिती समोर आलेली नसून पोलिसांकडून अधिक तपास सुरू आहे.