यूपीएससी ही देशातील सर्वात अवघड परीक्षा आहे. यूपीएससी परीक्षा पास करण्यासाठी दिवसरात्र मेहनत करावी लागते. कधी कधी तर आपल्या कुटुंबापासून लांब राहून अभ्यास करावा लागतो. या सर्व त्यागाचे फळ तुम्हाला मिळते. असंच काहीसं आयएएस अनु कुमारी यांच्यासोबत झालं. यूपीएससी परीक्षेचा अभ्यास करण्यासाठी त्या २ वर्षे आपल्या मुलापासून लांब राहिल्या होत्या.

अनु कुमारी यांना पहिल्याच प्रयत्नात यूपीएससी परीक्षा क्रॅक कर शकल्या नाहीत. काही गुणांमुळे त्यांचे स्वप्न अर्धवट राहिले. परंतु त्यांनी हार मानली नाही. त्यांनी खूप मेहनतीने आपले आयएएस होण्याचे स्वप्न पूर्ण केले. एवढेच नाही तर त्यांनी यूपीएससी परीक्षेत दुसरी रँकदेखील प्राप्त केली.

अनु कुमारी यांचे शिक्षण (IAS Anu Kumari Education)

अनु कुमारी या मूळच्या हरियाणाच्या रहिवासी आहेत. दिल्ली विद्यापीठातून त्यांनी फिजिक्समध्ये ग्रॅज्युएशन पूर्ण केले. यानंतर त्यांनी IMT मधून फायनान्स आणि मार्केटिंगमध्ये मास्टर्स केले. यानंतर २०१२ मध्ये त्यांचे लग्न झाले आणि त्या गुरुग्राम येथे गेल्या.

दोन वर्षांपासून मुलापासून राहिली लांब

अनु कुमारी यांचे स्वप्न आयएएस होण्याचे होते. त्यांनी अभ्यासासाठी आपल्या मुलापासून लांब राहायचा निर्णय घेतला. त्यांच्यासाठी हे सर्व खूप कठीण होते. पहिल्या प्रयत्नात फक्त १ गुणांमुळे त्यांचे सिलेक्शन राहिले. परंतु त्यांनी मेहनत केली आणि २०१७ मध्ये ऑल इंडिया रँक २ प्राप्त केली.

आयएएस अनु कुमारी या अभ्यासासाठी रोज सकाळी लवकर उठायच्या. त्यांनी १० ते १२ तास अभ्यास केला. याचसोबत त्या रोज ऑल इंडिया रेडिओ ऐकायच्या. टीव्हीवर बातम्या बघायच्या. प्रत्येक मिनिटाचा त्यांनी सदुपयोग केला आहे. याचा त्यांना फायदा झाला.